Bügın Semeidegı «Es-Aimaq» ruhani ortalyǧynda oblystyq etnomädeni bırlestıkter men qoǧamdyq instituttar arasynda ötken «Dostyq-2025» baiqauynyŋ jeŋımpazdaryn marapattau räsımı öttı.
Saltanatty şaraǧa oblys äkımı, Abai oblysy Qazaqstan halqy Assambleiasynyŋ töraǧasy Berık Uäli, etnomädeni bırlestıkterdıŋ ökılderı, qoǧamdyq ūiym jetekşılerı qatysty.
«Dostyq-2025» baiqauy azamattyq qoǧamdy jüielı türde jaŋǧyrtu, jalpyūlttyq qūndylyqtardy därıpteu, sondai-aq Qazaqstan halqy Assambleiasynyŋ 30 jyldyǧyn qorytyndylau maqsatynda ūiymdastyryldy. Şara öŋırdegı etnosaralyq kelısım men qoǧamdyq bırlıktı nyǧaituǧa baǧyttalǧan.
Saltanatty şara barysynda söz söilegen aimaq basşysy etnomädeni bırlestıkter men qoǧamdyq instituttardyŋ el bırlıgı men qoǧamdyq kelısımdı nyǧaitu jolyndaǧy eŋbegınıŋ erekşe ekenın atap öttı.
«Dana halqymyzda «Yntymaqty elge baq qonar» degen ataly söz bar. El bırlıgı – eldıgımızdıŋ arqauy, täuelsızdık tıregı! Memleket basşysy Qasym-Jomart Kemelūly Toqaev: «Bırlıgımız – eŋ basty bailyǧymyz» dep atap ötkendei, eldık müdde jolynda bırlesıp eŋbek etu – barşamyzdyŋ basty mındetımız. Būl ūstanym juyrda Prezidenttıŋ Jarlyǧymen bekıtılgen ışkı saiasat jönındegı strategiialyq qūjattarynda da jalǧasyn tapqan. «Qazaqstan Respublikasynyŋ ışkı saiasatynyŋ negızgı qaǧidattary, qūndylyqtary men baǧyttary» turaly Jarlyqta «Bırlık pen yntymaq – qoǧamdaǧy tūraqtylyq pen üilesımdılıktıŋ tūǧyry sanalatyn qūndylyqtar» dep naqty aiqyndaldy. Adal eŋbek, riiasyz köŋıldıŋ arqasynda, sızder tatulyq pen kelısımnıŋ jarqyn ülgısın körsetıp kelesızder. Sonyŋ dälelı – bügıngı «Dostyq» baiqauy. Būl – öŋırımızdegı etnos ökılderınıŋ mädenietı men dästürın qūrmettep, yntymaq-bırlıgımızdı nyǧaituǧa baǧyttalǧan maŋyzdy şara. Tek Abai oblysynda ǧana ötkızıletın maŋyzdy alaŋ desek bolady. Qaşan da belsendı azamattyq ūstanym, el tynyştyǧy men ūlt tūtastyǧyn köksegen sızderdıŋ eŋbekterıŋız orasan zor!», – dedı oblys äkımı.
Is-şara barysynda «Dostyq-2025» baiqauynyŋ jeŋımpazdary «Ruhani bırlık pen jalpyūlttyq kelısımdı damytuǧa qosqan ülesı üşın», «Azamattyq qoǧamdy damytuǧa qosqan ülesı üşın», «Qoǧamdaǧy tatulyq pen özara qūrmettı nyǧaituǧa qosqan ülesı üşın», «Mädeni mūra men dästürdı saqtauǧa qosqan ülesı üşın», «Ruhani kelısım men ūrpaq sabaqtastyǧynyŋ ülgısı» nominasiialary boiynşa marapattaldy. Sonymen qatar bırqatar etnomädeni bırlestıkter men qoǧamdyq ūiym ökılderıne Qazaqstan halqy Assambleiasynyŋ jäne oblys äkımınıŋ Alǧys hattary tabystaldy.
Aita keteiık, biyl elımızde Qazaqstan halqy Assambleiasynyŋ 30 jyldyǧy atalyp ötude.
Keş soŋynda Ämıre Qaşaubaev atyndaǧy memlekettık filarmoniianyŋ konserttık baǧdarlamasy körermen nazaryna ūsynyldy.
