Erbol Orynbaev Jusan Technologies direktorlaryn sotqa berdı, dep habarlaidy "Adyrna" ūlttyq portaly The Guardian-ǧa sıltep.
Būrynǧy vise-premer Erbol Orynbaev AQŞ pen Ūlybritaniiada Jusan Technologies Ltd kompaniiasynyŋ direktorlaryna qarsy bırneşe talap-aryz tüsırdı.
Talapkerler qatarynda Palata lordy Devid Charlz Evans te bar.
Orynbaevtyŋ mälımdeuınşe, Jusan aktivterı şamamen 1,6 mlrd dollar dep baǧalanǧanymen, 2023 jyly nebärı 75 mln dollarǧa satylǧan.
Ol būl mämılenı «fiktivtı» dep atap, kompaniia basşylaryn aktivterdı ädeiı tömen baǧalap, jeke paidaǧa jūmys ıstedı dep aiyptaǧan.
Basylym habarlauynşa, Lord Evans mämılenı bekıtkenı üşın 1 mln dollar bonus jäne özge de tölemder alǧany körsetılgen. Būdan bölek, kompaniianyŋ özge direktorlary da «zaŋsyz syiaqylarǧa» ie bolyp, özderıne joǧary jalaqy taǧaiyndaǧany aitylady.
Alaida Lord Evans pen basqa da jauapkerler būl aiyptaulardy joqqa şyǧaryp, talap-aryzdardy «negızsız» dep atady. Olar Orynbaevty «būryn özı qoldaǧan mämılege qarsy şyǧyp, ekıjüzdılık tanytyp otyr» dep mälımdedı.
Direktorlar sonymen bırge 2022 jyly Qazaqstan bilıgı Jusan aktivterın tärkıleu nauqanyn bastaǧanyn, sonyŋ saldarynan aktivter mūzdatylyp, qūnsyzdanǧanyn alǧa tartady.
Britandyq sudia aktivterdıŋ naqty qūny «eŋ jaqsy jaǧdaida» 150 mln dollar boluy yqtimal ekenın atap öttı. Degenmen mämıle jaǧdailary men direktorlarǧa tölengen syiaqylar tolyq zertteudı talap etetının aitty.
Aita keteiık, Erbol Orynbaev Oŋtüstık Qazaqstan oblysy äkımınıŋ orynbasary, Prezident Äkımşılıgınde jūmys ıstegen, Premer-ministr keŋsesın basqarǧan, vise-premer bolǧan. Memlekettık qyzmettegı soŋǧy lauazymy — Nūrsūltan Nazarbaevtyŋ kömekşısı (2013–2015 j).
