Britandyq «Vertical Aerospace» aerokosmostyq kompaniiasy 2028 jyly Londonda aerotaksi qyzmetın ıske qospaq. Būl turaly Independent gazetı jazdy, dep habarlaidy «Adyrna» tılşısı.
«Valo dep atalatyn aerotaksi alty jolauşyǧa deiın tasymaldai alady jäne 100 milge (şamamen 160 km) deiıngı qaşyqtyqty 150 mil/saǧ (şamamen 257 km/saǧ) jyldamdyqpen baǧyndyruǧa qabılettı. Jobaǧa retteuşı organdardyŋ rūqsaty aldaǧy üş jylda berıledı dep kütılude»,-delıngen habarlamada.
Bastapqyda «ūşatyn taksiler» äuejailar men ırı qalalar baǧytynda qatynaidy. Kompaniia ökılderınıŋ aituynşa, alǧaşynda būl qyzmet premium deŋgeiınde bolady, alaida öndırıs kölemı artqan saiyn baǧasy da qoljetımdı bolyp, qarapaiym taksi tarifterımen şamalas boluy mümkın.
Eske salaiyq, būǧan deiın Kölık ministrı Nūrlan Sauranbaev elımızde aerotaksi 2027 jyly ıske qosyluy äbden mümkın ekenın jetkızgen edı.
