Mäjılıs delegasiiasy Mäskeude Qazaqstan Respublikasy Parlamentı Mäjılısı men Resei Federasiiasy Federaldyq Jinalysynyŋ Memlekettık Dumasy arasyndaǧy Yntymaqtastyq jönındegı palataaralyq parlamenttık komissiianyŋ XII otyrysyna qatysty.
Mäjılıstıŋ vise-spikerı Albert Rau men Memlekettık Duma töraǧasynyŋ orynbasary Aleksandr Jukovtyŋ töraǧalyǧymen ötken Palataaralyq komissiianyŋ otyrysy joǧary deŋgeidegı kelıssözderdıŋ qorytyndylaryn talqylaudan bastaldy.
– Resei – bızdıŋ senımdı odaqtasymyz, strategiialyq ärıptesımız jäne tatu körşımız. Qazaqstan Prezidentı Qasym-Jomart Kemelūly Toqaevtyŋ juyrda Reseige jasaǧan memlekettık sapary ekı el arasyndaǧybailanys joǧary deŋgeidegı özara senım men qūrmetke negızdelgenın körsettı. Osy jaǧdaida ükımetter, aimaqtar jäne bız – deputattarmemleket basşylary deŋgeiınde qol jetkızılgen kelısımderdı jüzege asyru boiynşa jūmysty jalǧastyruymyz qajet. Sonyŋ ışınde būl kelısımderge uaqtyly zaŋnamalyqqoldau körsetu maŋyzdy, – dedı Albert Rau.
Mäjılıs vise-spikerı parlamentter arasyndaǧy özara ıs-ärekettıŋ Qazaqstan men Resei arasyndaǧy odaqtyq qatynastardyŋ maŋyzdy baǧyttarynyŋ bırı ärı ajyramas bölıgı ekenın erekşe atap öttı. Deputattar arasyndaǧy kezdesulerdıŋ jüielı sipaty men joǧary deŋgeidegı dialog ekı el arasyndaǧy eŋ özektı mäselelerdı jedel şeşuge mümkındık beredı.
Albert Rau ekıjaqty tauar ainalymynyŋ jyl saiyn tūraqty türde ösuı ony jaqyn arada 30 milliard dollarǧa jetkızu maqsatyn tolyq ıske asyruǧa mümkındık beretınıne nazar audardy. Sol üşın ekı el ükımetterı arasynda 2026-2030 jyldarǧa arnalǧan Keşendı ekonomikalyq yntymaqtastyq baǧdarlamasy äzırlengen. Öz kezegınde deputattar josparlanǧan barlyq ıs-şarany uaqtyly ärıtolyqqandy oryndaluyn qadaǧalauǧa tiıs.
Mäjılıs vise-spikerı atap ötkendei, Qazaqstan men Resei arasyndaǧy önerkäsıptık kooperasiia aiasynda önerkäsıp jäne auyl şaruaşylyǧy salalarynda jaŋa öndırıstık tızbekter men jūmys oryndaryn qūratyn keŋ auqymdy bırlesken jobalar paketı qalyptasqan. Barlyǧy 65 myŋǧa juyq jūmys orny aşylatyn, 50 mlrd dollardan asatyn 170-ten astam joba ıske asyryluda. Būl – ekıel arasyndaǧy ūzaq merzımdı, özara tiımdı serıktestıktıŋ naqty körsetkışı. Qazaqstan men Resei ekonomikasynyŋ äleuetı özara yntymaqtastyqty arttyratyn rezervterge ie, ol jaŋa bastamalar üşın ünemı özara ıs-ärekettıŋ jaŋa baǧyttaryn ızdeudı qajet etedı.
Otyrys barysynda deputattar logistika, energetika, auyl şaruaşylyǧy, sifrlandyru jäne mädeni-gumanitarlyq yntymaqtastyq salasyndaǧy özektı mäselelerdı jan-jaqtytalqylady.
Būl oraida deputat Bolatbek Najmetdinūly kölık-logistika salasyndaǧy bırlesken jūmys perspektivalaryna, sonyŋ ışınde «Soltüstık-Oŋtüstık» halyqaralyq kölık dälızın damytu jönındegı jol kartasyn ıske asyruǧa erekşe toqtaldy.
– Resei – Qazaqstan – Türıkmenstan – İran – Bandar-Abbas porttary men Parsy şyǧanaǧy arasynda tolyqqandy qūrlyq bailanysyn ıske qosudyŋ bız üşın strategiialyq maŋyzy bar. Beineuden Türıkmenstanǧa deiıngı baǧyt qazır jūmys ıstep tūr. Al bız Reseidıŋ osy temırjol dälızıne qosyluyn kütemız. Būl joba TaiauŞyǧysqa, Ündıstanǧa jäne Afrikaǧa deiıngı logistikalyq joldy qysqartuǧa jol aşyp, Euraziianyŋ negızgı qūrlyq jolyna ainaluy mümkın, – dedı deputat baiandamasynda.
Resei tarapynan jaŋa standarttar men tehnikalyq talaptardy engızu mäselesın aitqan Mäjılıs deputaty jaŋa normalardyŋ EAEO aiasyndaǧy özara sauda prosesıneqosymşa kedergıler tuǧyzbaudyŋ maŋyzyn atap öttı. Qazaqstan parlamentşılerınıŋ ūstanymy – Euraziia keŋıstıgınde erkın önım ainalysyn saqtau üşın barlyq tarapqa tiımdı barynşa qolaily jaǧdai jasau.
Mäjılıstıŋ Agrarlyq mäseleler komitetınıŋ töraǧasy Serık Egızbaev astyqty tereŋ öŋdeu boiynşa bırlesken jobalar qūru jäne auyl şaruaşylyǧy tehnikalaryn öndıru salasyndaǧy yntymaqtastyqty keŋeitu mäselesın köterdı. Ol äsırese, veterinarlyq jäne fitosanitarlyq baqylau salasyndaǧy aqparattyq jüielerdı integrasiialaudyŋ maŋyzdylyǧyna erekşe nazar audaryp, būl üşınşı elderge jäne kerı baǧytta auyl şaruaşylyǧy januarlary, ösımdık şaruaşylyǧy jäne mal şaruaşylyǧy önımderınıŋ tranzitın keŋeituge mümkındık beretının aitty. Sonymen qatar deputat Qazaqstannan Reseige auyl şaruaşylyǧy önımderın importtauǧa qoiylǧan uaqytşa şekteulerdı alyp tastau mäselesın qarastyrudy ūsyndy.
Deputat Ashat Raqymjanov öz sözınde migrasiialyq saiasat mäselelerı boiynşa 1 jylda Resei aumaǧynda 90 küntızbelık uaqyttan artyq jüruge bolmaidy degen talapty kei sanattaǧy adamdar üşınjeŋıldetu turaly ūsynys bıldırdı. Būl sanatqastudentter, medisinalyq mekemelerdıŋ pasientterı, avtokölık tasymaldauşylar, jolauşylar poiyzdarynyŋ jolserıkterı jäne elde qyzmettık, öndırıstık nemese basqa da qajettılıkpen zaŋdy türde jürgen adamdar jatady.
Taraptar Qazaqstannyŋ soltüstık jäne şyǧys öŋırlerın gazdandyru mäselelerın, atom energetikasyn damytu salasyndaǧy yntymaqtastyqty jäne zaŋnamany jetıldıruge qatysty şeşımder ızdeudı talqylady. Jasandy intellektını damytuǧa arnalǧan retteu şaralaryna, Jİ qoldanudaǧy etikalyq täsılderge, kiberqauıpsızdıkke jäne azamattardy alaiaqtyq äreketterden qorǧauǧaerekşe nazar audaryldy.
Otyrysta sondai-aq reseilık joǧary oqu oryndary filialdarynyŋ qyzmetın retteu jäne turizmdı damytu mäselelerı qaraldy.
Talqylau qorytyndysy boiynşaParlamentaralyq keŋestıŋ teŋ töraǧalary Albert Rau men Aleksandr Jukov talqylau barysynda qol jetkızılgen kelısımder naqty nätijelerge jol aşyp, Qazaqstan men Resei arasyndaǧy qatynastardyŋ barlyq salasyndaǧy yntymaqtastyqty odan ärı damytuǧa qosymşa serpın beretınıne senım bıldırdı.
