Almaty qalasynyŋ arnaiy prokurorlary esırtkı zattarynyŋ asa ırı kölemdegı kontrabandasy faktısı boiynşa sotqa deiıngı tergep-tekserudı aiaqtady. Būl turaly qalalyq prokuratura jazdy, dep habarlaidy «Adyrna» tılşısı.
Tergeu barysynda jazasyn penitensiarlyq mekemede ötep jatqan sottalǧan adam AQŞ-tan Almatyǧa marihuana men kannabis syǧyndysy salynǧan sälemdemelerdı jetkızu arnasyn ūiymdastyrǧany anyqtalǧan.
Qylmystyq äreketke ūiymdastyruşylar, kuratorlar, qamqorşylar, dropperler, jasyryn belgıleuşıler jäne ölşep orauşylar tartylǧan.
Jedel ıs-şaralar nätijesınde «Jetısu» keden beketınde salmaǧy 43 kg qūraityn marihuana men kannabis syǧyndysy salynǧan 25 sälemdeme tärkılengen. Olar ıs boiynşa zattai däleldemeler dep tanyldy.
«Tergeu jäne jedel-ızdestıru ıs-şaralarynyŋ keşenı, sondai-aq sot saraptamalarynyŋ nätijelerı, aiyptaluşylardyŋ qūqyqqa qarsy qyzmetın rastady. 20 küdıktı, onyŋ ışınde ūlttyq qauıpsızdık organynyŋ 2 qyzmetkerı jäne qylmystyq toptyŋ qyzmetıne qamqorlyq körsetken QR IIM QAJK-nıŋ 3 qyzmetkerı ūstaldy»,—delıngen habarlamada.
Is boiynşa aiyptaluşylarǧa esırtkı zattaryn kontrabandalaǧany jäne satqany, sondai-aq lauazymdyq qylmystary üşın jauaptylyqty közdeitın baptar boiynşa aiyp taǧyldy.
Zaŋsyz qyzmetten alynǧan tabysty küdıktıler jyljymaityn mülıktı, jer uchaskelerın jäne avtokölık qūraldaryn satyp alu jolymen zaŋdastyrǧan. Sottyŋ sanksiiasymen 5 päterge, 3 qūrylysqa, 10 jer uchaskesıne jäne 44 avtokölık qūralyna tyiym salyndy.
