Batysqazaqstandyq 98 jastaǧy ŪOS soǧysy ardagerı Veniamin Skalenko referendumda öz dauysyn berdı, dep habarlaidy “Adyrna” ūlttyq portaly.
V.Skalenko soǧysta Praga, Budapeşt, Vena, Bruno qalalaryn azat etuge airyqşa üles qosqan. Densaulyǧyna bailanysty sailau uchaskesıne kele almaǧan ardagerımızge №447 sailau uchaskesınıŋ ökılderı üiıne baryp, qariianyŋ konstitusiiaǧa säikesreferendumda dauys beru qūqyǧyn ıske asyrdy.
V.Skalenkonyŋ aituynşa, eldegı bolar oŋ özgerıster Qazaqstannyŋ damuyna jaŋa serpın beredı, beibıt zamanda ömır sürıp jatqan jas ūrpaq üşın jasalyp jatyrǧan qadamdardy ol da qoldaidy.
Aqjaiyqtyq Sälima Äbuova jasy 90-nanassa da, elımızdıŋ taǧdyryn anyqtaityn maŋyzdy künı üide qalmai, ūl-kelın, nemerelerımen bırge uchaskege keldı. «Elsız, memleketsız halyq bolmaidy. Irgemızdıŋ bütın, aspanymyzdyŋ aşyq boluy bırlıgımızdıŋ arqasynda. Elımızdıŋ bolaşaǧy är adamnyŋ taŋdauyna bailanysty. Sondyqtan menıŋ pıkırım de maŋyzdy», – deidı qart ana.
Şyŋǧyrlaulyq qarttarymyzdyŋ bırı, 92 jastaǧy tyl eŋbekkerı M.N.Kriskov sailauşy retınde öz dauysyn berdı. Zeinet jasyna deiın ömır boiy mehanizator bolyp qyzmet atqarǧan M.N.Kriskov Referendum ötkızıluı jönınde şaqyru qaǧazdaryn aparǧan jastarǧa özı baryp dauys beretının aitqan.
”Adyrna” ūlttyq portaly
