Premer-ministrdıŋ orynbasary Qanat Bozymbaev Batys Qazaqstan oblysyna jūmys sapary aiasynda «Energetikalyq jäne kommunaldyq sektorlardy jaŋǧyrtu» ūlttyq jobasy (EKSJ) şeŋberınde jüzege asyrylyp jatqan jobalardyŋ barysymen tanysty.
Bügınde öŋırde kommunaldyq infraqūrylymdy auqymdy jaŋartu jūmystary jürgızılude. Jylumen, elektrmen qamtu, sumen jabdyqtau jäne su būru salalarynda bırqatar ırı jobalar jüzege asyrylyp jatyr.
Öŋır aldaǧy jylytu mausymyna qarqyndy daiyndaluda. Jaŋǧyrtylyp jatqan negızgı nysandardyŋ bırı – Oral qalasyn jylu jäne ystyq sumen qamtamasyz etetın «JaiyqTeploEnergo» AQ. Qazırgı uaqytta käsıporyn «qyzyl aimaqta» tūr. 2029 jylǧa deiın jürgızıletın jaŋǧyrtu jūmystarynyŋ nätijesınde tozu deŋgeiın 83%-dan 60%-ǧa deiın tömendetıp, nysandy «sary aimaqqa» şyǧaru josparlanǧan.
Sonymen qatar, tozu deŋgeiı 65%-dy qūraityn ūzyndyǧy 1,8 şaqyrym bolatyn №7 jylu magistralın qaita jaŋartu jūmystary jalǧasuda. Qanat Bozymbaev qūrylys-montajdau jūmystarynyŋ sapasyn qataŋ baqylaudy tapsyrdy. Atalǧan jylu magistralı 24 biudjettık mekeme men 130 tūrǧyn üidı jylumen qamtamasyz etedı.
Jobany jüzege asyru jelılerdıŋ tozuyn azaituǧa, jüienıŋ ötkızu qabıletın arttyruǧa jäne paidalanu şyǧyndaryn tömendetuge mümkındık beredı.
Kelesı nysan Oral qalasynyŋ Zachagan kentındegı №29 kärız-sorǧy stansasy boldy. Qazırgı taŋda mūnda qūrylys-montajdau jūmystarynyŋ 40%-y oryndalǧan. Jobanyŋ qūny – 1,7 mlrd teŋge. Jaŋǧyrtu aiaqtalǧannan keiın, 2027 jyldyŋ soŋyna qarai stansa täulıgıne 14 700 tekşe metrge deiın sarqyndy sudy aidai alady. Būl jüiege jaŋa abonentterdı qosuǧa jäne kenttıŋ kommunaldyq infraqūrylymyn tiımdı basqaruǧa jol aşady.
Odan keiın vise-premer «Batys Qazaqstan aimaqtyq elektr jelılık kompaniiasy» JŞS-nıŋ qalalyq elektr jelılerı keşenıne bardy. Mūnda 138 şaqyrym elektr jelılerın jaŋǧyrtuǧa baǧyttalǧan üş kezeŋdı joba jüzege asyryluda. Qazırgı uaqytta jobanyŋ ekı kezeŋı aiaqtalyp, üşınşı kezeŋ boiynşa jūmystar jalǧasuda.
Qanat Bozymbaev qazırgı jaŋǧyrtu qarqynyn saqtau öŋırdıŋ kommunaldyq infraqūrylymyndaǧy jüielı mäselelerdı şeşuge jäne energiiamen jabdyqtau senımdılıgın arttyruǧa mümkındık beretının atap öttı. Jürgızılıp jatqan jūmystardyŋ nätijesınde oblystaǧy elektr jelılerınıŋ tozu deŋgeiı 82%-dan 75,4%-ǧa deiın tömendedı.
Jūmys sapary barysynda otandyq öndıruşılerdı qoldau mäselesıne erekşe nazar audaryldy. Jobalarda qazaqstandyq temırbeton tırekterı, kabeldık-ötkızgış önımder, metall konstruksiialar, transformatorlyq qosalqy stansalar, polietilen qūbyrlary jäne özge de jabdyqtar paidalanyluda. Keibır nysandarda qazaqstandyq qamtu ülesı 80–99%-ǧa deiın jetedı.
29 mamyrdaǧy mälımetke säikes EKSJ elektrondyq platformasynda Batys Qazaqstan oblysy boiynşa jalpy somasy 113,7 mlrd teŋgenı qūraityn 38 joba tırkelgen. Jalpy qūny 21,9 mlrd teŋge bolatyn 10 pilottyq joba belsendı jüzege asyrylu kezeŋınde.
