مەملەكەت باسشىسى ءماجىلىس وتىرىسىندا ءسوز سويلەپ، ۇكىمەتكە بىرقاتار تاپسىرمالار بەردى. پرەزيدەنت ۋتيليزاتسيالىق الىمنان تۇسكەن قارجى اۋدارىلاتىن «وپەراتور روپ» كومپانياسىنىڭ جۇمىسىن توقتاتۋدى تاپسىردى، دەپ حابارلايدى “ادىرنا” ۇلتتىق پورتالى وردا.كز سايتىنا سىلتەمە جاساپ.
– كاسىپكەرلەر مەن جالپى قوعامدا «وپەراتور روپ» كومپانياسىنىڭ قىزمەتىنە بايلانىستى ساۋالدار كوپ. بۇل جەكە كومپانياعا قارسى ءتىپتى قانداي دا ءبىر قوعامدىق قوزعالىس تا قۇرىلعان. ۇكىمەتكە ۋتيليزاتسيالىق الىمدى جويۋ ءۇشىن شارا قولدانۋدى تاپسىرامىن، – دەدى توقاەۆ.
سونداي-اق، نۇرسۇلتان نازارباەۆ بيلىكتە بولعان ۋاقىتتا حالىقارالىق دەڭگەيدەگى بايلار توبى پايدا بولعانىن ايتىپ، «حالىققا تيەسىلىنى حالىققا بەرەتىن ۋاقىت كەلدى» دەپ مالىمدەدى.
– ءبىرىنشى پرەزيدەنت – ەلباسى تۇسىندا وتە تابىستى كومپانيالار مەن حالىقارالىق دەڭگەيدەگى باي ادامداردىڭ توبى پايدا بولدى. حالىققا تيەسىنى حالىققا بەرەتىن، جۇيەلى تۇردە كومەكتەسەتىن ۋاقىت كەلدى. ۇكىمەت ءتيىستى كومپانيالاردى انىقتاپ، ولارمەن «قازاقستان حالقىنا» قورىنا اۋداراتىن سالىمدارىن انىقتاۋى ءتيىس، – دەدى توقاەۆ.
”ادىرنا” ۇلتتىق پورتالى
