جامبىل وبلىستىق پوليتسيا دەپارتامەنتىنىڭ باسشىسى جانات سۇلەيمەنوۆ قايتىس بولدى، - دەپ حابارلايدى "ادىرنا" ۇلتتىق پورتالى.
جامبىل وبلىستىق پوليتسيا دەپارتامەنتىنىڭ ءباسپاسوز قىزمەتى پوليتسيا دەپارتامەنتى باستىعىنىڭ ءولىمى تۋرالى اقپاراتتى راستادى. ءباسپاسوز قىزمەتى ءمان-جاي مەن باسقا دا مالىمەتتەردى جاريالامادى. الايدا orda.kz سايتىنىڭ مالىمەتىنشە جانات سۇلەيمەنوۆ، ءوز-وزىنە قول جۇمساعان.
"جانات سۇلەيمەنوۆتىڭ قايتىس بولعانى راس. بىراق قانداي جاعدايدا قايتىس بولعاندىعى تۋرالى دەرەك ءالى دە ناقتىلانۋدا", - دەدى پد ءباسپاسوز قىزمەتى.
جانات سۇلەيمەنوۆ 1962 جىلى تۋعان، ىشكى ىستەر ورگاندارىندا 1980 جىلدان بەرى قىزمەت اتقاردى. وسى جىلدار ىشىندە ەسىرتكى بيزنەسىنە قارسى كۇرەس كوميتەتتەرىن، كريمينالدىق پوليتسيانى، كولىكتىك پوليتسيا بولىمدەرىن، سونداي-اق قىزىلوردا جانە وڭتۇستىك قازاقستان وبلىستارىن باسقاردى. 2017-2019 جىلدارى ىشكى ىستەر ءمينيسترىنىڭ ءبىرىنشى ورىنباسارى قىزمەتىن اتقارعان.
جانات سۇلەيمەنوۆ 2020 جىلدىڭ اقپان ايىندا قورداي وڭىرىندە بولعان وقيعادان كەيىن جامبىل وبلىسىنىڭ پوليتسيا دەپارتامەنتىنىڭ باستىعى بولىپ تاعايىندالعان بولاتىن.
"ادىرنا" ۇلتتىق پورتالى
