مەملەكەتتىك قۋىرشاق تەاترى
«قۋىرشاقتار شاقىرادى – 2018» تەاترىشىلىك
فەستيۆالىن وتكىزەدى
مەملەكەتتىك قۋىرشاق تەاترى – رەسپۋبليكا تاريحىنداعى تۇڭعىش قۋىرشاق تەاترى. 1935 جىلى اشىلعان تەاتر ورداسى تاياق قۋىرشاقتان باستاپ بۇگىنگى زامان اعىمىنا ساي كۇردەلى ماريونەتكالارمەن قاتار سوڭعى ۇلگىدەگى تەxنيكالىق-لازەرلى كوركەمدەۋلەرمەن جابدىقتالعان. بۇگىندە ۇلتتىڭ رۋxاني قاجەتتىلىگىن وتەپ وتىرعان 83 جىلدىق تاريxى بار ونەر ورداسىنىڭ العا قويعان باعىتى مەن باعدارى ايقىن. ول – قازاقتىڭ قۋىرشاق تەاترى ونەرىن وركەندەتۋ، كەشەگى مەن بۇگىنگى ءومىر اراسىن ونەردىڭ بيىك شىڭى ارقىلى شىنايى كورسەتە ءبىلۋ. ەلىمىزدە جانە شەت ەلدەردە وتكەن رەسپۋبليكالىق، حالىقارالىق تەاتر فەستيۆالدەرىندە توپ جارىپ جۇرگەن ونەر وشاعىنىڭ رەپەرتۋارلىق ساياساتىنىڭ اۋقىمى كەڭ.
وسى ورايدا، تەاتر ۇجىمى 21 ناۋرىز - حالىقارالىق قۋىرشاقتار تەاترى كۇنىنە وراي العاش رەت اعىمداعى جىلدىڭ 15-18 ناۋرىز كۇندەرى ارالىعىندا «قۋىرشاقتار شاقىرادى – 2018» اتتى تەاترىشىلىك فەستيۆالىن وتكىزەدى. فەستيۆالدىڭ باستى ماقساتى – تەاتر رەپەرتۋارىنداعى 2017-2018 جىلدار ارالىعىندا ساxناعا جول تارتقان قويىلىمداردى سارالاي وتىرىپ، قۋىرشاق ونەرىنىڭ قوعامعا اسەر-ىقپالىن ارتتىرىپ، ءداستۇرلى ۇلتتىق قۋىرشاقتارىمىزدى جاڭعىرتا ءتۇسۋ ارقىلى جاس ۇرپاقتى ىزگىلىك يدەيالارىنا تاربيەلەۋ. قۋىرشاق تەاترى ونەرىنىڭ دامۋى جولىندا كوركەمدىك-ەستەتيكالىق ىزدەنىس كوكجيەگىن كەڭەيتۋ.
فەستيۆال اياسىندا كاسىبي ساراپشىلار مەن كورەرمەندەر نازارىنا تەاتر رەپەرتۋارىنان 8 قويىلىم ۇسىنىلىپ، سپەكتاكل سوڭىندا تالداۋ جاسالىنادى. ساراپشىلار قاتارىن: ەشمۇراتوۆا قۇرالاي حالەكەتقىزى – رەجيسسەر، قازاقستاننىڭ ەڭبەك سىڭىرگەن ءارتيسى، استانا قالالىق قۋىرشاق تەاترىنىڭ كوركەمدىك جەتەكشىسى (قازاقستان رەسپۋبليكاسى), سميرنوۆ ۆاديم الەكسەەۆيچ – رەجيسسەر، ماسكەۋ قۋىرشاق تەاترىنىڭ كوركەمدىك جەتەكشىسى (رەسەي فەدەراتسياسى), تۋردۋبەكوۆا ەلەونورا – تەاتر سىنشىسى، ش.ايتماتوۆ اتىنداعى مەملەكەتتىك ۇلتتىق ورىس تەاترىنىڭ «ادەبيەت» ءبولىمىنىڭ مەڭگەرۋشىسى (قىرعىزستان رەسپۋبليكاسى) قۇرايدى.
فەستيۆال بارىسىندا ورىندار تومەندەگى نوميناتسيالار بويىنشا بەرىلەدى:
– «ەڭ ۇزدىك قويىلىم»
– «ەڭ ۇزدىك اكتەر»
– «ەڭ ۇزدىك اكتريسا»
– «ەڭ ۇزدىك قۋىرشاق جۇرگىزۋشى»
– «ەڭ ۇزدىك قۋىرشاق داۋىسى»
– «ۇزدىك دەبيۋت»
– «ۇزدىك ەپيزود»
– «ءۇمىت»
سونداي-اق، تەاتر اكىمشىلىگىنىڭ شەشىمىمەن قۋىرشاق تەاترىن كەڭىنەن ناسيحاتتاۋ جولىندا قىزمەت اتقارىپ جۇرگەن باق وكىلدەرىنىڭ قىزمەتكەرلەرى ماراپاتتالادى.
فەستيۆالدىڭ نەگىزگى باعدارلاماسىمەن قاتار تەاترتانۋشى، ونەرتانۋ كانديداتى ەركىن جۋاسبەكتىڭ مەملەكتتىك قۋىرشاق تەترىنىڭ 1935-1991 جىلدار ارالىعىنداعى تاريحىنان سىر شەرتەتىن «قازاق قۋىرشاق تەاترى» اتتى كىتابىنىڭ تۇساۋكەسەرى وتەدى. سونىمەن قاتار، فەستيۆال اياسىندا قويىلىمداردان تىس ارنايى دارىستەر، شەبەرلىك ساعاتتار ءوتىپ، تەاتردىڭ التىن قورىندا ساقتالعان قۋىرشاقتاردان كورمە ۇيىمداستىرىلادى.
تەاتر ونەرىن سۇيەر قاۋىمدى تاڭعاجايىپ قۋىرشاقتار الەمىنە بىرگە ساپار شەگىپ، ونەر مەرەكەسىن بىرگە وتكىزۋگە شاقىرامىز!
فەستيۆال باعدارلاماسى:
15 ناۋرىز
· ساعات 10:00 – «قۋىرشاقتار شاقىرادى – 2018» فەستيۆالىنىڭ اشىلۋ سالتاناتى، ءباسپاسوز كونفەرەنتسياسى
· ساعات 11:00 – «توبا» (اۆتورى: ە.جۋاسبەك، رەجيسسەرى: ج.جۇمانباي)
· ساعات 14:00 – «اكۆا ەرتەگى» (اۆتورى: ا.سەرگەەۆ، رەجيسسەرى: و.اقجارقىن-سارسەنبەك)
· ساعات 17:30 – «انا جۇرەگى» (اۆتورى: ە.يونوۆ، رەجيسسەرى: ا.زايتسەۆ)
16 ناۋرىز
· ساعات 11:00 – «قۇلىنشاق پەن بولتىرىك» (اۆتورى: ج.وماروۆ، رەجيسسەرى: ر.جانىمانوۆ)
· ساعات 14:30 – «دارۋمەن» (رەجيسسەرى: گ.ءىلياسوۆا)
· ساعات 17:30 – «مەن دەپ ويلا...» (اۆتورى: م.ماقاتاەۆ، رەجيسسەرى: م.تاۋەكەلوۆا)
17 ناۋرىز
· ساعات 11:00 – «ساعىنىش ءشوبى» (اۆتورى: ر.وتارباەۆ، رەجيسسەرى: ر.جانىمانوۆ)
· ساعات 12:30 – تەاتر ارتيستەرىنىڭ وزىندىك شىعارماشىلىق جۇمىسى
· ساعات 17:30 – «انا-جەر انا» (اۆتورى: ش.ايتماتوۆ، رەجيسسەرى: د.جۇماباەۆا)
18 نارۋىز:
· ساعات 10:00 – «قۋىرشاقتار شاقىرادى – 2018» فەستيۆالىنىڭ جابىلۋ سالتاناتى
گۇلىم كوپبايقىزى،
«دامۋ جانە كورەمەندەرمەن بايلانىس» ءبولىمىنىڭ جەتەكشىسى
بايلانىس تەلەفونى: +7 (727) 234-79-21
+7 (775) 628 28 48
