كاسىپكەرلەر پالاتاسىنىڭ الماتىداعى ديرەكتورى تارتىپسىزدىكتەر كەزىندە بيزنەس قانشالىق زارداپ شەككەنىن جانە قانداي نىساندار الداعى جۇمىسىن جالعاستىرا الاتىنىن ايتتى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
"اتامەكەن" كاسىپكەرلەر پالاتاسىنىڭ الماتى بويىنشا ديرەكتورى ايتۋار قوشمامبەتوۆتىڭ سزىنشە، قالادا ميتينگ، جاپپاي تارتىپسىزدىك پن تەرروريستىك اكت كەزىندە، 8 قاڭتارداعى جاعداي بويىنشا، 1027 نىساندا ورنالاسقان 856 كاسىپكەردىڭ بيزنەسى زارداپ شەككەن. قوشمامبەتوۆ بۇل تەك "اتامەكەنگە" حابارلاسقان كاسىپكەرلەر ەكەنىن ايتادى. الدىن الا ەسەپ بويىنشا، جالپى 86 ميلليارد تەڭگەگە زالال كەلتىرىلگەن.
"ەڭ الدىمەن ساۋدا ورىندارى، ساۋدا جەلىلەرى، تەحنيكا، باعالى زاتتار، كيىم ساتاتىن دۇكەندەر، جالپى قولعا سالىپ الىپ كەتۋگە بولاتىن زاتتار، ۇيالى تەلەفوندار ساتاتىن دۇكەندەر زارداپ شەككەن. قارۋ-جاراق ساتىلاتىن دۇكەندەر تونالعان. ءىرى ساۋدا جەلىلەرى جانە ساۋدا ورتالىقتارى دا بار. سونىمەن قاتار، 30 شاقتى قىزمەت كورسەتۋ، قوعامدىق تاماقتانۋ ورىندارى زارداپ شەككەن. مارودەرلەر قانداي ماقساتپەن بۇل نىساندارعا شابۋىل جاساعانى بەلگىسىز", - دەيدى قوشمامبەتوۆ.
"اتامەكەننىڭ" الماتى بويىنشا ديرەكتورىنىڭ سوزىنشە، قالادا نەگىزگى قاۋىپ - ازىق-تۇلىكتىڭ جەتىسپەۋى بولىپ وتىر. تۇرعىندار دۇكەندەگى ناندى كوپتەپ ساتىپ الىپ جاتىر.
"پالاتامەن بىرگە اكىمدىك بىرنەشە ساۋدا جەلىسىن اشۋدى شەشتى. ولاردى اسكەريلەر مەن پوليتسيا كۇزەتەدى. سونىمەن قاتار، 10 ساۋدا بازارى ەرتەڭنەن باستاپ قىسقا رەجيمدە جۇمىس ىستەي باستايدى. قالاداعى بارلىق ءىرى بازار جۇمىس ىستەۋدى باستاۋدى ۇسىندى جانە بۇگىندە بۇل ماسەلە تالقىلانىپ جاتىر. ارينە، قالالىق شتاب پەن كومەنداتۋرا ءار بازاردى كۇزەتۋگە پوليتسيا مەن اسكەريلەر بولە المايدى، سوندىقتان بازارلاردىڭ اشىلۋى ماسەلەسىن بازارلاردىڭ ءوزى شەشەدى. قاۋىپ تونگەن جاعدايدا ولار كەز كەلگەن ۋاقىتتا جابىلا الادى", - دەيدى ايتۋار قوشمامبەتوۆ.
سونداي-اق قوشمامبەتوۆ "اتامەكەن" قالاداعى ناۋبايحانالار مەن ءدارىحانالاردىڭ ۇزدىكسىز جۇمىس ىستەپ تۇرۋىنا جاعداي جاساعانىن اتاپ ءوتتى. پالاتا ديرەكتورىنىڭ سوزىنشە، ۇيلەرگە جاقىن ورانلاسقان دۇكەندەردە نان الۋعا مۇمكىندىك بار، ال 70-كە جۋىق ءدارىحانا دارىمەن قامتاماسىز ەتىلىپ جاتىر.
ايتا كەتەيىك، بۇعان دەيىن كاسىپكەرلەر پالاتاسى تارتىپسىزدىكتەر كەزىندە بيزنەسى زارداپ شەككەن كاسىپكەرلەرگە ارنالعان جەدەل جەلى قوسقانىن حابارلانعان بولاتىن: 1432 (تەگىن), 8 8000808010, WhatsApp: 8 778 870 1432.
الماتى: 8 7273 310 133
الماتى وبلىسى: 8 7282 401999
ماڭعىستاۋ وبلىسى: 8 7292 304040
“ادىرنا” ۇلتتىق پورتالى
Басқалармен бөлісе отырыңыз
