ماسكەۋدەگى قازاقستاننىڭ رەسەيدەگى ەلشىسى ەرمەك كوشەرباەۆ ەۋرازيالىق دامۋ ورتالىعىنىڭ باس ديرەكتورى، ساياسي عىلىمدار دوكتورى تاير مانسۇروۆقا ءى دارەجەلى «دوستىق» وردەنىن تابىس ەتتى دەپ حابارلايدى «ادىرنا» ۇلتتىق پورتالى "kazembassy.ru" سايتىنا سىلتەمە جاساپ.
مەملەكەت باسشىسى قاسىم-جومارت توقاەۆتىڭ جارلىعىمەن تاير مانسۇروۆ «مەملەكەتتىك جانە قوعامدىق قىزمەتتەگى جەتىستىكتەرى جانە ەلىمىزدىڭ الەۋمەتتىك-ەكونوميكالىق جانە مادەني دامۋىنا، ەكى ەل اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن» جوعارى ناگرادامەن ماراپاتتالدى».
تاير مانسۇروۆ قازاقستان باسشىلىعىنا جوعارى ناگراداسى ءۇشىن ريزاشىلىعىن ءبىلدىرىپ، قازاقستان-رەسەي ستراتەگيالىق ارىپتەستىگىنىڭ نەگىزى قالانعان جىلداردا ايتۋلى وقيعالارعا قاتىسقانى ءۇشىن ماقتانىش پەن شابىتتانعانىن اتاپ ءوتتى.
سونداي-اق جاس ديپلوماتتارمەن تاجىريبەسىمەن ءبولىسىپ، «بيلىكتىڭ ساباقتاستىعى، سىناقتارى مەن ينتريگالارى. قازاقستان جانە الەم كوشباسشىلارى. بيلىكتى بەرۋدىڭ الەمدىك تاريحى جانە قازاقستاندىق تاجىريبە» تتى كىتابىن سىيعا تارتتى.
شارا سوڭىندا تاير مانسۇروۆ قازاقستاندىقتاردى كەلە جاتقان جاڭا جىل مەرەكەسىمەن قۇتتىقتاپ، ەلىمىزگە تىنىشتىق پەن بەرەكە تىلەدى.
«ادىرنا» ۇلتتىق پورتالى.
