تايۆان كوروناۆيرۋستىڭ وميكرون شتامىن الماتىدان اكەلدى دەپ جاريالاسا، قازاقستاندا وسى ۋاقىتقا دەيىن بۇل شتامم نەگە انىقتالمادى؟
بۇل ساۋالعا قالالىق سانيتارلىق-ەپيدەميولوگيالىق باقىلاۋ باسقارماسى باسشىسىنىڭ ورىنباسارى سادۋاقاس بايعابىلوۆ ونلاين بريفينگ بارىسىندا جاۋاپ بەردى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
"بىزدە شتامداردىڭ گەنومدىق سەكۆەنيرلەنۋى جالعاسىپ جاتىر. الماتىدا جۇرگىزىلگەن زەرتتەۋ ناتيجەلەرى بويىنشا وميكرون شتامى انىقتالمادى، ۇلگىلەر نۇر-سۇلتاننىڭ زەرتحانالارىنا جىبەرىلدى. حابارلامادا جۇقتىرعانداردىڭ وڭتۇستىك كورەيا ارقىلى ۇشقانى ايتالادى. دەمەك، ولاردى الماتىدا اۋىرۋ جۇقتىردى، قازاقستاننان الىپ كەلدى دەۋگە ەشقانداي نەگىز جوق. بۇل ءۇشىن اتالعان ەلدىڭ ارىپتەستەرى ترانزيتتىك ەل ارقىلى ۇشىپ كەلگەندەرىن ەسكەرە وتىرىپ، تەرگەۋ جۇرگىزۋى قاجەت", - دەدى بايعابىلوۆ.
”ادىرنا” ۇلتتىق پورتالى
