ءماجىلىستىڭ ەكس-دەپۋتاتى بەكبولات تىلەۋحان دۇنيەجۇزىلىك ەتنوسپورت فەدەراتسياسىنىڭ ۆيتسە-پرەزيدەنتى بولدى. بۇل تۋرالى تومەنگى پالاتا سپيكەرى نۇرلان نىعماتۋلين مالىمدەدى، دەپ حابارلايدى «ادىرنا» ءتىلشىسى.
«بەكبولات تىلەۋحانانى بىلمەيتىن بىردە-ءبىر قازاق جوق دەپ ايتۋ ارتىق بولمايدى. ول ءبىزدىڭ ساياساتقا، مادەنيەتكە جانە قوعامدىق قىزمەتكە ۇلكەن ۇلەس قوساتىن قۇرمەتتى ازاماتتارىمىزدىڭ ءبىرى. بىرنەشە شاقىرىلىم ءماجىلىس دەپۋتاتى بولدى، حالىق ءۇشىن قاجەتتى زاڭداردىڭ قابىلدانۋىنا ىقپال ەتتى. اسىرەسە ونىڭ ەلدىڭ الەۋمەتتىك-مادەني دامۋىنداعى ءرولى زور. ەندى ول دۇنيەجۇزىلىك ەتنوسپورت فەدەراتسياسىنىڭ ءبىرىنشى ۆيتسە-پرەزيدەنتى بولىپ تاعايىندالدى. ارىپتەسىمىزگە بىرلەسكەن جۇمىس ءۇشىن العىسىمىزدى بىلدىرەمىز جانە زور دەنساۋلىق پەن جاڭا سالادا ۇلكەن تابىس تىلەيمىز»،- دەدى ول پلەنارلىق وتىرىستا.
بەكبولات تىلەۋحان ءوز سوزىندە جاڭا جۇمىسى تۋرالى ايتىپ ءوتتى. ايتۋىنشا، ول سياقتى ادامدار بوس ۋاقىت وتكىزە المايدى.
«ەردوعاننىڭ ورتالىق ازيا ەتنوسپورت كوميتەتىن باسقارۋ تۋرالى ۇسىنىس كەلدى. قازىر دۇنيەجۇزىلىك ەتنوسپورت كونفەدەراتسياسىنىڭ ۆيتسە-پرەزيدەنتى ەتىپ تاعايىندادى. كەلىسىمدەر بار»،– دەدى ول.
«ادىرنا» ۇلتتىق پورتالى
