قر ءبىلىم جانە عىلىم مينيسترلىگىنىڭ پەداگوگتەردى جۇمىسقا قابىلداۋ قاعيدالارىنا قاتىستى جاڭا بۇيرىعى قر ادىلەت مينيسترلىگىندە تىركەلدى. ەندى پەداگوگتەردى جۇمىسقا قابىلداۋ جاڭا فورماتتا كونكۋرس جانە ناقتى كريتەريلەر بويىنشا جۇزەگە اسىرىلاتىن بولادى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ جازدى، دەپ حابارلايدى «ادىرنا» ءتىلشىسى.
«اتالعان وزگەرىستەر مۇعالىمدەردى جۇمىسقا ورنالاستىرۋ كەزىندە اشىقتىقتى قامتاماسىز ەتۋگە، سىبايلاس جەمقورلىق تاۋەكەلدەرىن جويۋعا جانە جۇمىسقا قابىلداۋ كەزىندە مەريتوكراتيا قاعيدالارىن قامتاماسىز ەتۋگە باعىتتالعان.
بۇعان دەيىن ناقتى ەرەجە بولعان جوق، ياعني مەكتەپ ديرەكتورى كىمدى جانە قانداي كورسەتكىشتەر بويىنشا جۇمىسقا قابىلداۋ كەرەكتىگى تۋرالى ءوزى شەشەتىن.
بىرقاتار ايماقتا ساعاتتار سانىن دۇرىس بولمەي، ءۇش-ءتورت مۇعالىم ءبىر ستاۆكاعا قابىلدانعان جاعدايلار تىركەلدى. مۇنداي جاعدايلار قانداي سەبەپتەرگە بايلانىستى ورىن الاتىنىن بولجاۋ قيىن ەمەس.
بۇدان بىلاي ءبىلىم بەرۋ ۇيىمدارى بارلىق بوس نەمەسە ۋاقىتشا بوس لاۋازىمدارعا كونكۋرس وتكىزەتىن بولادى. بۇل شاعىن جيناقتى مەكتەپتەرگە قاتىستى ەمەس.
بايقاۋعا بىلىكتىلىك سيپاتتامالارىنا سايكەس كەلەتىن مۇعالىمدەر قاتىسادى»،– دەدى ول.
«ادىرنا» ۇلتتىق پورتالى
