«Qazaqstan» جانە «حابار» تەلەارنالارى تاۋەلسىزدىگىمىزدىڭ 30 جىلدىق مەرەيتويىنا وراي ازىرلەنگەن جاڭا تۋىندىلارىن كورەرمەن نازارىنا ۇسىنادى، دەپ حابارلايدى قازاقپارات ءتىلشىسى. «حابار» تەلەارناسىندا 29 قاراشادان بەرى «ەلباسى. تاۋەلسىزدىك جىلناماسى» دەرەكتى ءفيلمى كورسەتىلۋدە. قازاقستان تاۋەلسىزدىگىنىڭ 30 جىلدىعىنا ارنالعا تۋىندى 15 سەريادان تۇرادى. ونىڭ ارقايسىسى ەلىمىزدىڭ ورىن العان تاريحي وقيعالار مەن ساتتەرگە ارنالعان قورىتىندى سەرياسى 17 جەلتوقساندا كورسەتىلەدى.
«قازاقستان تۋرالى ايتامىز». ءدال وسىنداي اتاۋمەن 13 جەلتوقساننان بەرى «حابار» تەلەارناسىندا ساعات 12:30-دا قازاقستان رەسپۋبليكاسىنىڭ تاۋەلسىزدىگى جىلدارىندا جۇمىس ىستەگەن حالىقارالىق ساراپشىلاردىڭ قاتىسۋىمەن دەرەكتى باعدارلاما تسيكلى كورسەتىلىپ ءجۇر. باعدارلاما بارىسىن كەيىپكەرلەر ەكسكيۋزيۆتى سۇحبات بەرىپ، قازاقستانعا قاتىستى ويلارىمەن، كوزقاراستارىمەن ءبولىسىپ، ەلىمىزدە اتقارعان قىزمەتى مەنجۇمىس ناتيجەلەرى جايىندا باياندايدى.
«حابار» ارناسىنىڭ تاعى ءبىر دەرەكتى ءفيلمى «ەگەمەندىك. تاۋەلسىزدىككە دەيىنگى 418 كۇن»دەپ اتالادى دەرەكتى فيلمدە قازاقستان تاۋەلسىزدىگىن الار كەزەڭدەگى ماڭىزدى تاريحي جايتتار باياندالادى. ءفيلمدى 16 جەلتوقسان كۇنى ساعات 10:00-دە تاماشالاي الاسىزدار.
18-19 جەلتوقسان كۇندەرى ساعات 12:30-دا «حابار» تەلەارناسىندا روزا باعلانوۆانىڭ ءومىر جولىنان سىر شەرتەتىن 8 ءبولىمدى سەريال كورەرمەنگە جول تارتادى.
ال «Qazaqstan» ۇلتتىق تەلەارناسى 17 جەلتوقسان كۇنى ساعات 14:50-دە تاۋەلسىزدىك كۇنىنە وراي ارنايى جوبا - «جەلتوقسان جاڭعىرىعى» اتتى دەرەكتى ءفيلمىن ۇسىنادى. ارحيۆتىك قۇجاتتار مەن ناقتى دەرەكتەرگە نەگىزدەلگەن فيلم ەلىمىزدىڭ تاريحي كەزەڭى – قازاقستان رەسپۋبيكاسىنىڭ تاۋەلسىزدىككە قول جەتكىزۋىنە ارقاۋ بولعان «جەلتوقسان» وقيعاسىنىڭ 35 جىلدىعىنا ارنالادى.
سونىمەن قاتار «Qazaqstan» ۇلتتىق تەلەارناسى قر تاۋەلسىزدىگىنىڭ 30 جىلدىعىنا وراي ەلدىڭ مەملەكەتتىك شەكاراسى تۋرالى «№9» اتاۋىمەن دەرەكتى فيلم ءتۇسىردى. دەرەكتى فيلمدە قر تۇڭعىش پرەزيدەنتى – ەلباسى ن.نازارباەۆتىڭ شەكارانى بەكىتۋدەگى جۇرگىزگەن رەسمي كەلىسسوزدەرى مەن قازاق ديپلوماتتارىنىڭ تاباندى ارەكەتتەرى تاريحي دەرەكتەرمەن باياندالادى. دەرەكتى جوبا 16 جەلتوقسان 16:20-دا ەفيرگە شىعادى.
