قولدانىلمايتىن كارتانى ساقتاۋ سالدىرىنان ارتىق كوميسسيا مەن قاجەت ەمەس قىزمەتتەرگە اقشا تولەۋىڭىز مۇمكىن. سونىمەن قاتار جەكە اقپاراتتاردىڭ تاراۋىنا سەبەپكەر بولاسىز. بۇل تۋرالى "سكولكوۆو-رەش" قارجىلىق تەحنولوگيا جانە ساندىق ەكونوميكا ورتالىعىنىڭ زەرتتەۋ باسشىسى ەكاتەرينا سەمەريكوۆا ايتىپ بەردى، دەپ حابارلايدى "ادىرنا" ۇلتتىق پورتالى "Lenta.ru" باسىلىمىنا سىلتەمە جاساپ.
"مۇنداي كارتالار ءۇشىن كوميسسيالار الىنىپ وتىرۋى مۇمكىن. ادەتتە از مولشەردەگى اۋدارىمدار تەگىن قىزمەت كورسەتۋدىڭ شارتى بولادى. سونىمەن قاتار وپەراتسيالار بەلگىلى ۋاقىت ارالىعىندا جۇرگىزىلىپ وتىرۋى قاجەت. تەگىن قىزمەت كورسەتۋ جوباسى قوسىلعان كارتانى قولدانعان تۇتىنۋشى باسقا بانككە اۋىسقاندا وسى سەكىلدى جەڭىلدىكتەردەن ايىرىلادى", - دەيدى سەمەريكوۆا.
ادامدار بانك قىزمەتىن پايدالانباۋى دا مۇمكىن. بۇعان قاراماستان الاياقتار جەكە اقپاراتتارعا قول جەتكىزە الاتىنىن مامان ەسكە سالىپ ءوتتى.
بۇعان دەيىن "ەكۆيفاكس" ەسيە تاريحى بيۋروسىنىڭ باسشىسى ولەگ لاگۋتكين جالاقى تۇسەتىن كارتالاردىڭ قاۋپى تۋرالى ايتقان. بانك كارتاعا وۆەردرافت قىزمەتىن قوسىپ قويا الادى. ياعني ەسەپشوتتا بار سومادان كوپ قارجى الىنادى.
"ادىرنا" ۇلتتىق پورتالى.
