115 جىلقى ۇرلاپ، جاسىرىنىپ جۇرگەن پاۆلودارلىق ماسكەۋدە ۇستالدى

2845
Adyrna.kz Telegram

115 جىلقى ۇرلاپ، جاسىرىنىپ جۇرگەن پاۆلودارلىق ماسكەۋدە ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

115 باس جىلقى ۇرلادى دەپ كۇدىكتەلەتىن پاۆلودار وبلىسىنىڭ 54 جاستاعى تۇرعىنى سوت تورەلىگىنەن قاشىپ، ەلدەن تىس جەرگە كەتكەن. پاۆلودارلىق پوليتسيا قىزمەتكەرلەرى رەسەي فەدەراتسياسى ماسكەۋ قالاسىنىڭ قىلمىستىق ىزدەستىرۋ بويىنشا ارىپتەستەرىمەن بىرلەسكەن جەدەل ءىس-شارالارى ناتيجەسىندە، قاشقىننىڭ جۇرگەن جەرىن انىقتادى.

ەر ادام ماسكەۋ مەترولارىنىڭ ءبىرىنىڭ ستانتسياسىندا ۇستالدى. ول پوليتسيادان ءۇش جىل بويى جاسىرىنعان. قازىرگى ۋاقىتتا بىرقاتار قاجەتتى تەكسەرۋلەر جۇرگىزىلۋدە، ونىڭ ناتيجەلەرى بويىنشا كۇدىكتىنى قازاقستان رەسپۋبليكاسىنا ەكستراديتسيالاۋ تۋرالى ماسەلە شەشىلەتىن بولادى.

ايتا كەتەيىك، جىل باسىنان بەرى پاۆلودار وبلىسىنىڭ جەدەل ۋاكىلدەرىنىڭ كۇشىمەن قىلمىستىق قۋدالاۋ ورگاندارىنان جاسىرىنعان 96 قىلمىسكەر ۇستالدى.

«ادىرنا» ۇلتتىق پورتالى

پىكىرلەر