وسىدان تۋرا 30 جىل بۇرىن قازاق كەڭەستىك سوتسياليستىك رەسپۋبليكاسىنىڭ اتاۋى قازاقستان رەسپۋبليكاسى بولىپ وزگەرتىلدى، - دەپ حابارلايدى “ادىرنا” ۇلتتىق پورتاليا Tengrinews.kz سايتىنا سىلتەمە جاساپ.
1991 جىلى 10 جەلتوقساندا قازاق كسر جوعارعى كەڭەسى قاۋلى ەتتى:
“رەسپۋبليكانىڭ كوپۇلتتى حالقىنىڭ ءوزىن-ءوزى بيلەۋ، ادامنىڭ قۇقىقتارى مەن بوستاندىقتارىنا قول سۇعىلماۋى، قوعامنىڭ ساياسي، ەكونوميكالىق جانە يدەولوگيالىق قاعيداتتارىنا نەگىزدەلگەن دەموكراتيالىق، تاۋەلسىز، بەيبىت، قۇقىقتىق مەملەكەت قۇرۋعا دەگەن ۇمتىلىسىن نەگىزگە الا وتىرىپ، قازاق كەڭەستىك سوتسياليستىك رەسپۋبليكاسى قازاقستان رەسپۋبليكاسىنا بوپ وزگەرتىلسىن”
ءتيىستى زاڭعا سول كەزدە نۇرسۇلتان نازارباەۆ قول قويدى. سول كۇنى ول ەلىمىزدىڭ تۇڭعىش پرەزيدەنتى رەتىندە انت بەردى.
1991 جىلى 16 جەلتوقساندا قازاق كسر جوعارعى كەڭەسى رەسپۋبليكانىڭ مەملەكەتتىك تاۋەلسىزدىگىن جاريالادى.
“ادىرنا” ۇلتتىق پورتالى
