مىڭداعان ادام ەردوعاننىڭ وتستاۆكاعا كەتۋىن تالاپ ەتتى

1269

تۇركيانىڭ وڭتۇستىگىندەگى مەرسين قالاسىندا ليرا باعامىنىڭ رەكوردتىق دەڭگەيدە قۇلدىراۋىنا بايلانىستى پرەزيدەنت تايىپ ەردوعاننىڭ وتستاۆكاعا كەتۋىن تالاپ ەتكەن مىڭداعان ادام شەرۋگە شىقتى دەپ  حابارلايدى "ادىرنا" ۇلتتىق پورتالى.

تۇركيانىڭ نەگىزگى وپپوزيتسيالىق رەسپۋبليكالىق حالىق پارتياسىنىڭ جەتەكشىسى كەمال كىلىچداروگلۋ تۇرىك ازاماتتارىن، سونىڭ ىشىندە بۇرىن قازىرگى پرەزيدەنتكە داۋىس بەرگەن ازاماتتاردى بىرىگۋگە شاقىردى.

"جەڭىسكە جەتۋ ءۇشىن ءبىز سايلاۋعا بارامىز جانە جاشىكتەردىڭ قاسىندا تۇرىپ بۇل ديكتاتۋرانى قۇلاتامىز. مەن سىزدەرگە ءسوز بەرەمىن", - دەدى وپپوزيتسيونەر.

ال ءوز كەزەگىندە ەردوعان ەلدىڭ وڭتۇستىك-شىعىسىنداعى سيرتتە جاقتاستارى الدىندا سويلەگەن سوزىندە ونىڭ ميتينگىسىنە وپپوزيتسيا ميتينگىسىنەن گورى كوپ ادام كەلگەنىن ايتتى.

پرەزيدەنت ازاماتتاردى ۇلتتىق ەكونوميكاعا دەگەن سەنىمدى ساقتاۋعا شاقىرىپ، جاعدايدى تۇراقتاندىرۋعا ۋادە بەردى. ونىڭ ايتۋىنشا، باعانىڭ كوتەرىلۋىنە الەمدىك نارىقتا شيكىزات باعاسىنىڭ ءوسۋى سەبەپ بولعان.

 

 

"ادىرنا" ۇلتتىق پورتالى.

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket