الەۋمەتتىك جەلى قولدانۋشىلارى 1963 جىلى جارىق كورگەن «وميكرون» ءفيلمىن قىزۋ تالقىلاپ جاتىر. ولاردىڭ ايتۋىنشا، تۋىندىنىڭ سيۋجەتى تىم قورقىنىشتى، دەپ حابارلايدى «ادىرنا» ءتىلشىسى.
يتاليالىق رەجيسسەر ۋگو گرەگورەتتي تۇسىرگەن «وميكرون» ءفيلمىنىڭ كوروناۆيرۋستىق پاندەميامەن ەشقانداي بايلانىسى جوق. وقيعا جەلىسى جەر تۋرالى كوبىرەك اقپارات الۋ ءۇشىن ادام دەنەسىن يەمدەنگەن وزگە عالامشارلىق تۋرالى بولادى. ولاردىڭ وسىنداي ءىس-ارەكەتى پلانەتانى باسىپ الۋدى جەڭىلدەتەدى.
وسىعان قاراماستان، ءفيلمنىڭ بار ەكەنىن بىلگەن الەۋمەتتىك جەلى قولدانۋشىلارى تۋىندىنى پايعامبارلىق دەپ ساناپ، سيۋجەتىنەن شوشۋدا. كەيبىرەۋلەر وميكروندىق شتامم جەردى باسىپ الۋعا تىرىسقان وزگە عالامشارلىقتاردىڭ جۇمىسى دەپ ويلايدى. باسقالارى جاقىندا ءبىزدىڭ پلانەتامىزعا كوروناۆيرۋس ۇستاعان گۋمانويدتار كەلەتىنىنە سەنىمدى.
«ءبىز ءبارىمىز توزاققا بارا جاتىرمىز»، - دەپ جازدى پانەلگە قاتىسۋشىلاردىڭ ءبىرى.
بۇعان دەيىن كوروناۆيرۋستىڭ جاڭا شتاممى قولدانۋشىلارعا «فۋتۋراما» كەيىپكەرىن ەسكە تۇسىرگەن بولاتىن.
«ادىرنا» ۇلتتىق پورتالى
