قوستانايدا تۇرعىن ۇيلەردىڭ بىرىندە ءورت شىعىپ، 7 جاسار قىز قايتىس بولدى، دەپ حابارلايدى "ادىرنا" ۇلتتىق پورتالى وبلىستىق توتەنشە جاعدايلار دەپارتامەنتىنە سىلتەمە جاساپ.
ءورت 24 قاراشا ساعات 17:20-دە پۋتەيسكايا كوشەسىندەگى جەكە ۇيدەن شىققان. سالدارىنان 7 جاستاعى قىز جەدەل جاردەم كولىگىندە كوز جۇمدى. ونىڭ اناسى اۋىر جاعدايدا جانساقتاۋ بولىمىنە جەتكىزىلگەن.
ء"ورت جالپى 50 شارشى مەتر اۋماقتى شارپىدى. ءورت ءسوندىرۋ كەزىندە 4 تۇرعىن ەۆاكۋاتسيالانىپ، جەدەل جاردەمگە بەرىلگەن. قالالىق اۋرۋحاناعا 44 جاستاعى ايەل جەتكىزىلدى. دەنەسىنىڭ 80-88 پايىزىن 3-دارەجەلى كۇيىك شالعان. جاعدايى اۋىر، جانساقتاۋ بولىمىنە جاتقىزىلدى. ونىڭ 46 جاستاعى كۇيەۋىنىڭ بەتى مەن قولى كۇيىپ قالعان. دارىگەرلەر قاراپ ونى ۇيىنە جىبەردى. وسى وتباسىنىڭ جەتى جاستاعى قىزى اۋرۋحاناعا جەتىپ ۇلگەرمەي جەدەل جاردەم كولىگىندە كوز جۇمدى. تاعى 8 جاستاعى ءبىر بالا قۇتقارىلدى. ول مەديتسينالىق كومەكتى قاجەت ەتپەدى" — دەلىنگەن حابارلامادا.
"ادىرنا" ۇلتتىق پورتالى
