اقش ۇشاقتارى رەسەيگە يادرولىق سوققى جاساۋدى پىسىقتادى

2590
Adyrna.kz Telegram

اقش-تىڭ ون ستراتەگيالىق ءبومبارديرى قاراشادا وتكەن اقش كۇشتەرىنىڭ وقۋلارى بارىسىندا رەسەيگە قارسى يادرولىق قارۋدى باتىس جانە شىعىس باعىتتارىنان قولدانۋ نۇسقاسىن جاسادى. بۇل تۋرالى رەسەي قورعانىس مينيسترلىگىنىڭ باسشىسى سەرگەي شويگۋ مالىمدەدى، دەپ حابارلايدى «ادىرنا» ءتىلشىسى.

ول قىتايلىق ارىپتەسى ۆەي فەنحەمەن كەلىسسوزدەر بارىسىندا رەسەيلىك اسكەري قىزمەتشىلەر مەملەكەتتىك شەكاراعا جاقىن جەردە اقش اۋە كۇشتەرى اۆياتسياسىنىڭ بەلسەندىلىگىنىڭ ايتارلىقتاي ءوسۋىن تىركەيتىنىن اتاپ ءوتتى.

«سوڭعى ايدا رەسەي فەدەراتسياسىنىڭ شەكاراسىنا 30-عا جۋىق ۇشۋ جاسالدى، بۇل وتكەن جىلدىڭ سايكەس كەزەڭىمەن سالىستىرعاندا 2,5 ەسە كوپ»،– دەدى مينيستر.

باسشىنىڭ ايتۋىنشا، قاراشا ايىندا اقش ستراتەگيالىق كۇشتەرىنىڭ جاتتىعۋى كەزىندە 10 ستراتەگيالىق بومبالاۋشى رەسەي فەدەراتسياسىنا قارسى يادرولىق قارۋدى باتىس جانە شىعىس باعىتتارىنان ءبىر ۋاقىتتا قولدانعان.

«بارلىق جاعدايدا ءبىزدىڭ اۋە شابۋىلىنا قارسى قورعانىس قۇرالدارىمىز اقش-تىڭ ستراتەگيالىق بومبالاۋشىلارىن ۋاقىتىندا انىقتاپ، ۇزدىكسىز باقىلاۋ ورناتىپ، وقيعالاردىڭ الدىن-الۋ شارالارىن جۇزەگە اسىردى»،– دەپ مالىمدەدى سەرگەي شويگۋ.

ەسكە سالا كەتەيىك، 18 قاراشادا رەسەي ءسىم القاسىنىڭ كەڭەيتىلگەن وتىرىسىندا رەسەي پرەزيدەنتى ۆلاديمير پۋتين ناتو-نىڭ ستراتەگيالىق بومبالاۋشىلارى رەسەي شەكاراسىنان 20 شاقىرىم قاشىقتىقتا ۇشاتىنىن ايتقان ەدى.

«ادىرنا» ۇلتتىق پورتالى

پىكىرلەر