شىمكەنت قالاسىنىڭ اكىمى مۇرات ايتەنوۆ توعىس تۇرعىن الابىندا ورنالاسقان №120 جالپى ورتا مەكتەپتىڭ جاڭا وقۋ جىلىنا دايىندىعىن تەكسەردى.
مەكتەپ جانىنان سالىنعان قوسىمشا 300 ورىندىق وقۋ كورپۋسىنىڭ قۇرىلىسى اياقتالىپ، بۇگىندە مۇندا اباتتاندىرۋ تازالاۋ جۇمىستارى ءجۇرىپ جاتىر.
بۇعان دەيىن اتالعان مەكتەپتىڭ 926 ورىنعا ارنالعان عيماراتىندا دايارلىق توبىن قوسا العاندا 2116 بالا ءبىلىم الىپ كەلگەن. 300 ورىندىق قوسىمشا وقۋ كورپۋسى بۇل ماسەلەنى تولىعىمەن شەشىپ وتىر.
قالا اكىمى وقۋشىلار اراسىندا كوروناۆيرۋس ينفەكتسياسىنىڭ تارالۋىن بولدىرماۋ ءۇشىن مەكتەپتىڭ سانيتارلىق قاۋىپسىزدىگىن قامتاماسىز ەتۋدى تاپسىردى.
مەكتەپ ديرەكتورى ساباق بارلىق سانيتارلىق-ەپيدەميولوگيالىق تالاپتاردى ساقتاي وتىرىپ ۇيىمداستىرىلاتىنىن جانە ۇيىم دەزينفەكتسيالىق قۇرالدارمەن قامتىلعانىن ايتتى.
جاڭا قوسىمشا عيماراتتا بالالاردىڭ ءبىلىم الۋىنا جانە سپورتپەن شۇعىلدانۋىنا بارلىق جاعداي جاسالعان.
