قازاقستاندا قايتا ۆاكتسينالاۋ باستالدى

2231
Adyrna.kz Telegram

ەلىمىزدە بۇگىن، 22 قاراشادا حالىقتى قايتا ۆاكتسينالاۋ ءۇردىسى باستالدى، دەپ حابارلايدى "ادىرنا" ۇلتتىق پورتالى.

رەۆاكتسيناتسيا ەكى كەزەڭنەن تۇرادى. بۇعان دەيىن ۆاكتسينانىڭ ەكى كومپونەنتىن  سالعىزعاندار جاڭا جىلعا دەيىن ءۇشىنشىسىن قابىلدايدى. ءبىرىنشى كەزەكتە قايتا ۆاكتسينالاۋدان مەديتسينا قىزمەتكەرلەرى، مۇعالىمدەر، مەديتسينالىق-الەۋمەتتىك مەكەمەلەر مەن جابىق بالالار مەكەمەلەرىنىڭ ماماندارى، سونداي-اق ىشكى ىستەر قۇرىلىمدارىنىڭ قىزمەتكەرلەرى وتەدى.

بيىل رەۆاكتسيناتسيادان 60 جاستان اسقاندار مەن دەنەسىندە انتيدەنە قالىپتاسپاعان  ادامدار وتەدى. دەنساۋلىق ساقتاۋ مينيسترلىگىنىڭ مالىمەتىنشە، رەۆاكتسيناتسيانىڭ ءبىرىنشى كەزەڭىندە ميلليونعا جۋىق قازاقستاندىقتى، ەكىنشىسىندە 6 ميلليوننان استام تۇرعىندى ۆاكتسينالاۋ جوسپارلانۋدا.

"ادىرنا" ۇلتتىق پورتالى

پىكىرلەر