شىمكەنت قالاسىنىڭ «شاپاعات» ارناۋلى الەۋمەتتىك قىزمەتتەر كورسەتۋ ورتالىعى مۇمكىندىگى شەكتەۋلى ازاماتتاردىڭ الەۋمەتتىك مارتەبەسىن قالپىنا كەلتىرۋگە، الەۋمەتتىك-تۇرمىستىق ورتاعا بەيىمدەلۋىنە، دەنساۋلىعىن وڭالتۋعا باعىتتالعان شارالاردى جۇزەگە اسىرادى.
وسىعان وراي، قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بالمارجان ناربەكوۆا اتالعان ورتالىقتىڭ جۇمىس بارىسىمەن تانىسىپ، قىزمەت الۋشىلارمەن كەزدەستى.
جىل باسىنان بەرى «شاپاعات» وڭالتۋ ورتالىعىندا 8 اۋىسىم بويىنشا جالپى 263 قىزمەت الۋشىعا ارناۋلى الەۋمەتتىك قىزمەت تۇرلەرى كورسەتىلدى.
ورتالىقتا 18 جاستان اسقان تىرەك-قيمىل جۇيەسى بۇزىلعان ءى جانە ءىى توپتاعى مۇگەدەكتەر نەگىزگى جەتى ءتۇرلى باعىتتا الەۋمەتتىك قىزمەت تۇرلەرىمەن قامتىلعان.
شىمكەنت قالاسى بويىنشا 43 اۆتوماتتى «الەۋمەتتىك تاكسي» ءى،ءىى توپتاعى جانە 16 جاسقا دەيىن تىرەك-قيمىل اپپاراتى بۇزىلعان مۇمكىندىگى شەكتەۋلى جاندارعا، 18 «ينۆاتاكسي» قىزمەتى ارناۋلى جابدىقتالعان قول ارباداعى مۇگەدەكتىگى بار ازاماتتاردى تاسىمالدايدى.
سونىمەن قاتار، بيىل مۇگەدەكتىگى بار ازاماتتارعا الەۋمەتتىك قىزمەتتەر پورتالى ارقىلى قاجەتتى قۇرالدار مەن قىزمەتتەرگە تاپسىرىس بەرۋى ىسكە قوسىلدى.
ياعني، ەرەكشە توپتاعى ازاماتتار قاجەتتى قۇرالدار مەن قىزمەتتەردى ءوزىنىڭ ەلەكتروندىق قولتاڭباسىن (ەتسق) پايدالانا وتىرىپ، الەۋمەتتىك قىزمەتتەر پورتالى ارقىلى تاپسىرىس بەرۋگە قول جەتكىزىلۋدە.
