شىمكەنتتىك تۇرعىن ۇلىن «پەدوفيل» ەسەبىنەن الۋ ءۇشىن پوليتسەيگە پارا بەرمەك بولدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
شىمكەنت قالاسىنىڭ تۇرعىنى ەڭبەكشى اۋدانى پوليتسيا باسقارماسىنىڭ قىزمەتكەرىنە 2008 جىلى قك-ءنىڭ 121-بابى 3-بولىگى (سەكسۋالدىق سيپاتتاعى زورلىق-زومبىلىق ارەكەتتەرى) بويىنشا تىركەلگەن “پەدوفيل” ەسەبىنەن 27 جاستاعى ۇلىن الۋ ءۇشىن پارا ۇسىنعان. پوليتسيا قىزمەتكەرى ورىن العان جايت تۋرالى وزىندىك قاۋىپسىزدىك باسقارماسىنىڭ قىزمەتكەرلەرىنە حابارلاپ، سىبايلاس جەمقورلىقتىڭ الدىن الدى.
اتالعان جايت بويىنشا قر قك-ءنىڭ 367-بابى 1-بولىگىمەن (پارا بەرۋ) قىلمىستىق ءىس تىركەلىپ، قازىرگى ۋاقىتتا سوتقا دەيىنگى تەرگەپ-تەكسەرۋ امالدارى جۇرگىزىلۋدە.
«ادىرنا» ۇلتتىق پورتالى
