الماتىدا پوليتسەيلەر ۆاينەر، بلوگەر مەيىرجان تۋرەباەۆتىڭ مەديتسينا قىزمەتكەرلەرىنە جاساعان پرانك-ۆيدەوسىن تەكسەرىپ جاتىر. وسىعان قاتىستى قالالىق پروكۋراتۋرا رەسمي ساۋالعا جاۋاپ بەردى، دەپ حابارلايدى "ادىرنا" ۇلتتىق پورتالى.
قاداعالاۋ ورگانىنىڭ حابارلاۋىنشا، بلوگەر تۋرەباەۆتىڭ ارەكەتىنە قۇقىقتىق باعا كەيىنىرەك بەرىلەدى.
"تۇسىرىلگەن ۆيدەو فاكتىسى بويىنشا قوعامدىق دەنساۋلىق ساقتاۋ دەپارتامەنتى، پوليتسيا دەپارتامەنتىنە شاعىمداندى. پد حابارلاۋىنشا، قازىر تەكسەرۋ جۇرگىزىلۋدە، ونىڭ قورىتىندىسى بويىنشا قۇقىقتىق باعا بەرىلەدى. تەكسەرۋدىڭ تۇپكىلىكتى قورىتىندىسى تۋرالى اقپارات الۋ ءۇشىن پوليتسياعا حابارلاسۋىڭىزعا بولادى»، - دەپ جاۋاپ بەردى الماتى قالاسى پروكۋرورىنىڭ ءبىرىنشى ورىنباسارى بەرىك اداموۆ.
شاعىم تۇسكەلى بەرى تۋرا ءۇش اپتا وتسە دە، پوليتسەيلەر تۋرەباەۆتىڭ ارەكەتىن ءالى شەشىپ، وعان قۇقىقتىق باعا بەرە الماي وتىر.
ەسكە سالايىق، 19 قازان كۇنى ۆاينەر مەيىرجان تۋرەباەۆ الەۋمەتتىك جەلىدە دارىگەرلەردى الداعان بولاتىن. ۆاكتسينادان سوڭ ونىڭ قولى وزدىگىنەن جۇمىلىپ قالعانىن كورسەتىپ، دارىگەرلەردى تاڭعالعان كۇيدە قالدىرادى. دارىگەرلەر ۆاينەردىڭ جۇمۋلى كۇيگە تۇسكەن قولدارىن تەكسەرىپ، قاراي باستايدى. ولار وعان قول ماسساجىن جاساپ، كومەك كورسەتەدى. ۆيدەو سوڭىندا تورەباەۆ دارىگەرلەرگە مۇنىڭ ءازىل ەكەنىن ايتىپ كۇلەدى.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
