باتىس قازاقستان وبلىسىندا اۋعانستاننىڭ 9 ازاماتى قازاقستان-رەسەي شەكاراسىن زاڭسىز كەسىپ وتكەن دەپ حابارلايدى "ادىرنا" ۇلتتىق پورتالى "mgorod.kz-كە" سىلتەمە جاساپ.
باسىلىم سەنىمدى دەرەككوزدەرگە سىلتەمە جاساپ، بيىلعى جىلدىڭ قازان ايىندا 9 اۋعانستان ازاماتى جامبىل وبلىسى ارقىلى شەكارادان ءوتىپ، قازاقستانعا كەلگەنىن حابارلادى. ولار بۇكىل رەسپۋبليكانى ارالاپ شىعىپ، بايتەرەك اۋدانى، دارينسكوە اۋىلىنىڭ ماڭىندا شەكارانى زاڭسىز كەسىپ وتكەن.
الدىن الا مالىمەت بويىنشا، اۋعاندىقتاردى رەسەيلىك قاۋىپسىزدىك كۇشتەرى ۇستاعان.
قر ۇقك اۋعانستان ازاماتتارىنىڭ شەكارانى زاڭسىز كەسىپ وتكەنى تۋرالى اقپاراتتى راستادى. ۆەدومستۆونىڭ حابارلاۋىنشا، بۇل فاكتى بيىلعى جىلدىڭ 10 قازانىندا ۇقك باتىس قازاقستان وبلىسى بويىنشا دەپارتامەنتىنىڭ تەرگەۋ باسقارماسىندا تىركەلگەن.
قر قىلمىستىق كودەكسىنىڭ 394-بابىنىڭ 2-بولىگى "زاڭسىز كوشى-قوندى ۇيىمداستىرۋ" بويىنشا سوتقا دەيىنگى تەرگەۋ امالدارى جۇرگىزىلۋدە.
قر قىلمىستىق كودەكسىنىڭ 394-بابىنىڭ 2-بولىگىنە سايكەس بۇل ءىس ادامنىڭ ءوزىنىڭ قىزمەتتىك وكىلەتتىكتەرىن پايدالانا وتىرىپ نەمەسە ادامدار توبىنىڭ الدىن الا ءسوز بايلاسۋى بويىنشا جاساعان ارەكەتى بولىپ تابىلادى.
"ادىرنا" ۇلتتىق پورتالى
