16 جاستاعى امەريكالىق قىز جول بويىندا كەتىپ بارا جاتقان كولىكتىڭ جۇرگىزۋشىسىنە TikTok جەلىسىندە بۇرىن كورگەن بەلگىنى كورسەتىپ، ءوزىن ۇرلاعان قىلمىسكەردەن امان قالعان دەپ حابارلايدى "ادىرنا" ۇلتتىق پورتالى "lenta.ru" سايتىنا سىلتەمە جاساپ.
جولدا ەر ادام قىلمىسكەردىڭ كولىگىندە وتىرعان جولاۋشىنىڭ وعان تۇرمىستىق زورلىق-زومبىلىق نەمەسە باسقا ماسەلەلەر كەزىندە كومەك كورسەتۋ تۋرالى حالىقارالىق امبەباپ سيگنالدى ىم-يشارامەن كورسەتكەنىنە نازار اۋدارىپ، دەرەۋ پوليتسياعا حابارلاسقان. قىلمىسكەر ۇرلاعان قىز الگى ەر ادامعا الاقانىن اشىپ، باس بارماعىن قىسىپ، سوسىن قالعان ساۋساقتارىمەن جاپقان (اتالعان بەلگىنى تومەننەن كورۋىڭىزگە بولادى-رەد.) .
انىقتالعانداي، ءتارتىپ ساقشىلارى كولىكتى توقتاتىپ، ءدال تاس جولدا 61 جاستاعى ەر ادامدى ۇستاعان. ارتقى ورىندىقتا ۇرلانعان كامەلەتكە تولماعان قىز وتىرعان.
قىلمىسكەردىڭ تەلەفونىنان قىزدىڭ سەكسۋالدىق سۋرەتتەرى تابىلعان. جابىرلەنۋشىنىڭ ايتۋىنشا، ول ۇرلاۋشىمەن بىرگە بىرقاتار شتاتتاردى ارالاعان.
"ادىرنا" ۇلتتىق پورتالى
