يراك پرەمەر-ءمينيسترى مۇستافا ءال-كازەميدىڭ رەزيدەنتسياسىنا زىمىران ءتۇستى دەپ حابارلايدى "ادىرنا" ۇلتتىق پورتالى "ريا نوۆوستي" اگەنتتىگىنە سىلتەمە جاساپ.
اگەنتتىكتىڭ حابارلاۋىنشا، ۇشقىشسىز ۇشاقتى پايدالانۋ ارقىلى پرەمەر-مينيسترگە "قاستاندىق" جاسالعان. شابۋىل كەزىندە پرەمەر-ءمينيستردىڭ ءۇش كۇزەتشىسىنىڭ جارالانعانى ايتىلادى.
اقش ەلشىلىگى مەن باسقا دا ديپلوماتيالىق وكىلدىكتەر ورنالاسقان "جاسىل ايماقتاعى" شابۋىل كەزىندە "ەكىجاقتى اتىس بولدى". يراك قاۋىپسىزدىك قىزمەتىندەگى دەرەككوزدىڭ حابارلاۋىنشا، پرەمەر-ءمينيستردىڭ رەزيدەنتسياسىن اتقىلاعان ۇشقىشسىز ۇشاق ۇستالعان.
يراكتاعى جاعداي 10 قازاندا وتكەن كەزەكتەن تىس پارلامەنتتىك سايلاۋدان كەيىن ۋشىعىپ كەتتى، الدىن الا مالىمەتتەر بويىنشا، شيتتەردىڭ ىقپالدى ساياساتكەرى مۋكتادا اس-سادردىڭ بلوگى جەڭىسكە جەتتى، دەلىنگەن مالىمدەمەدە.
حادي ءال-اميري باسقاراتىن ء"ال-فاتح" كواليتسياسى (شيت جاساقتارىنىڭ ىشىندەگى ەڭ ۇلكەنى "بادر" وتريادىن باسقارادى) نەبارى 21-ءشى ورىنعا يە بولسا، 2018 جىلعى سايلاۋدا پارلامەنتتە 45-ءشى ورىنعا يە بولدى. كواليتسيا داۋىس بەرۋ ناتيجەلەرىن قايتا قاراۋدى تالاپ ەتىپ، اپەللياتسيالىق شاعىم ءتۇسىردى، ونىڭ جۇزدەگەن جاقتاستارى يراك استاناسىنىڭ مەملەكەتتىك مەكەمەلەرى مەن شەتەلدىك ديپلوماتيالىق وكىلدىكتەر ورنالاسقان "جاسىل ايماقتىڭ" سىرتىندا نارازىلىق شەرۋلەرىن وتكىزدى.
جوعارعى سايلاۋ كوميسسياسى سايلاۋدىڭ سوڭعى ناتيجەلەرىن ءالى جاريالاعان جوق.
"ادىرنا" ۇلتتىق پورتالى
