«ەكى ءتىسىن سىندىرعان»: پاۆلوداردا بالالارىن سوققىعا جىققان اكە ۇستالدى

1783

پاۆلودارلىق اكە بالالارىن سوققىعا جىقتى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

پوليتسياعا پاۆلودار قالاسىنىڭ 36 جاستاعى تۇرعىنى حابارلاسىپ، 28 قازاندا كۇيەۋى 6 جاسار ۇلى مەن 7 جاسار قىزىن ۇرىپ-سوققانى تۋرالى ايتتى. سونىمەن قوسا، اكەسى ۇلىنىڭ ەكى ءتىسىن سىندىرعان.

– شاقىرۋعا كەلگەن پوليتسيا قىزمەتكەرلەرى جۇبايىنىڭ جۇمىستا بولعانىن انىقتادى. ۇيدە اكەسىمەن بىرگە قالعان بالالار تەنتەكتىك جاساپ، بالكونعا جۇگىرىپ، اكەسىنىڭ ەسكەرتۋلەرىنە قۇلاق اسپاعان. بالالاردى “تىنىشتاندىرۋ” ءۇشىن ەر ادام ۇزاق ويلانباستان جۇدىرىعىن جۇمسادى، – دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.

اناسى كەلگەندە وتاعاسى ۇيدە بولماعانىن، ونىڭ جۇمىسقا كەتكەنىن ايتتى. ايەل دەرەۋ اۋرۋحاناعا حابارلاسىپ، مەديتسينالىق كومەك سۇرادى.

وسى فاكتى بويىنشا قازاقستان رەسپۋبليكاسى قك-ءنىڭ 140-بابى 2-ءبولىمى بويىنشا سوتقا دەيىنگى تەرگەۋ قوزعالدى. ساراپتاما تاعايىندالدى.

«ادىرنا» ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket