«QazVac» ۆاكتسيناسى مەن زەڭ اۋرۋىنا قارسى «روزەوفۋنگين-اس» پرەپاراتىن ويلاپ تاپقان وتاندىق عالىمدارعا ءال-فارابي اتىنداعى عىلىم مەن تەحنيكا سالاسىنداعى 2021 جىلعى مەملەكەتتىك سىيلىعى تابىستالادى، دەپ حابارلايدى «ادىرنا» ءتىلشىسى.
قازاقستان رەسپۋبليكاسىنىڭ پرەزيدەنتى جارلىعىنىڭ جوباسى اشىق نورماتيۆتىك قۇقىقتىق اكتىلەردىڭ ينتەرنەت-پورتالىندا جاريالاندى.
وندا مەملەكەتتىك سىيلىقتىڭ اقشالاي سىياقى سوماسى 37 200 000 تەڭگەنى قۇرايتىنى كورسەتىلگەن.
سىياقى تومەندە اتالعان جاندارعا بەرىلەدى:
"ميكروبيولوگيا جانە ۆيرۋسولوگيا عىلىمي-وندىرىستىك ورتالىعى" جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى، بيولوگيا عىلىمدارىنىڭ دوكتورى، پروفەسسور، اكادەميك امانكەلدى سادانوۆقا;
"ميكروبيولوگيا جانە ۆيرۋسولوگيا عىلىمي-وندىرىستىك ورتالىعى" جاۋاپكەرشىلىگى شەكتەۋلى سەرىكتەستىگىنىڭ باس عىلىمي قىزمەتكەرى، بيولوگيا عىلىمدارىنىڭ كانديداتى اسيا بالعىمباەۆاعا;
"ميكروبيولوگيا جانە ۆيرۋسولوگيا عىلىمي-وندىرىستىك ورتالىعى" جاۋاپكەرشىلىگى شەكتەۋلى سەرىكتەستىگىنىڭ ۆيرۋسولوگيا ءبولىمىنىڭ جەتەكشىسى، بيولوگيا عىلىمدارىنىڭ دوكتورى، پروفەسسور، قازاقستان رەسپۋبليكاسىنىڭ ۇلتتىق عىلىم اكادەمياسىنىڭ كوررەسپوندەنت-مۇشەسى ۆلاديمير بەرەزينگە;
"ميكروبيولوگيا جانە ۆيرۋسولوگيا عىلىمي-وندىرىستىك ورتالىعى" جاۋاپكەرشىلىگى شەكتەۋلى سەرىكتەستىگىنىڭ باس عىلىمي قىزمەتكەرى، مەديتسينا عىلىمدارىنىڭ دوكتورى، پروفەسسور، قازاقستان رەسپۋبليكاسىنىڭ ۇلتتىق عىلىم اكادەمياسىنىڭ اكادەميگى ءىلياس قۇلماعامبەتوۆكە;
"ميكروبيولوگيا جانە ۆيرۋسولوگيا عىلىمي-وندىرىستىك ورتالىعى" جاۋاپكەرشىلىگى شەكتەۋلى سەرىكتەستىگىنىڭ باس عىلىمي قىزمەتكەرى، بيولوگيا عىلىمدارىنىڭ كانديداتى ليۋدميلا ترەنوجنيكوۆاعا;
ء"ال-فارابي اتىنداعى قازاق ۇلتتىق ۋنيۆەرسيتەتى" كوممەرتسيالىق ەمەس اكتسيونەرلىك قوعامىنىڭ بيولوگيا جانە بيوتەحنولوگيا فاكۋلتەتىنىڭ دوتسەنتى مىندەتىن اتقارۋشى، بيولوگيا عىلىمدارىنىڭ كانديداتى گۇلنار ۇلتانبەكوۆاعا تابىستالادى.
«ادىرنا» ۇلتتىق پورتالى
