الماتىدا 17 جاستاعى جولاۋشى تاكسيدە جولاۋشى قىزدى زورلاپ، توناپ كەتكەن دەپ حابارلايدى "ادىرنا" ۇلتتىق پورتالى "zakon.kz-كە" سىلتەمە جاساپ.
بۇل وقيعا 9 قازان كۇنى تۇندە بولعان. ىلە اۋداندىق ۋچاسكەلىك پوليتسياسى كەزەكشى بولىمىنە كەلگەن جەرگىلىكتى تۇرعىن زورلانعانى مەن تونالعانى تۋرالى ارىز جازعان.
ارىزعا سايكەس، ول الماتى قالاسىنداعى №1 تەمىرجول ۆوكزالىنان ۇيىنە قايتۋ ءۇشىن تاكسيگە وتىرعان. جول بويىندا ەكىنشى جولاۋشىنىڭ وتىنىشىمەن تاكسي جۇرگىزۋشىسى تۇيمەباەۆ اۋىلى ماڭىندا قارا جولعا بۇرىلىپ، دالاعا توقتايدى. سول كەزدە ارتقى ورىندىقتا وتىرعان جولاۋشى تاكسي جۇرگىزۋشىسىنىڭ كوزىنشە جولاۋشى قىزعا شابۋىل جاساپ، ۇرىپ-سوعىپ، زورلاپ، توناپ، التىن القاسىن تارتىپ العان، - دەپ حابارلادى الماتى وبلىسىنىڭ پد.
قىلمىستىق قۇقىق بۇزۋشىلىق فاكتىسى قر قك 120-بابىنىڭ 1-بولىگى، 191-بابىنىڭ 2-بولىگى بويىنشا سدتبت-دە تىركەلدى.
جەدەل-ىزدەستىرۋ ءىس-شارالارىنىڭ ناتيجەسىندە پوليتسەيلەر بورالداي كەنتىنىڭ 17 جاستاعى تۇرعىنىن ۇستادى. ۋۇي-عا قاماۋعا الىنعان كۇدىكتى زورلىق-زومبىلىق ارەكەتتەرىن مويىندادى. تەرگەۋ سۋدياسى سوتقا دەيىنگى تەرگەۋ كەزەڭىندە وعان قاماۋدا ۇستاۋ تۇرىندەگى بۇلتارتپاۋ شاراسىن تاڭدادى، دەپ تولىقتىردى پوليتسيا.
"ۇستالعان ازاماتتىڭ اۋىلداسى جانە تانىسى بوپ شىققان 22 جاستاعى تاكسي جۇرگىزۋشىسى دە پوليتسياعا جەتكىزىلدى. سوتقا دەيىنگى تەرگەۋ بارىسىندا ونىڭ دا بۇل قىلمىسقا قاتىسى انىقتالاتىن بولادى. وزگە اقپارات قر قىجك 201-بابىنا سايكەس، جاريا ەتىلمەيدى", - دەپ قورىتىندىلادى ۆەدومستۆودا.
"ادىرنا" ۇلتتىق پورتالى.
