اتىراۋدا "سىبايلاس جەمقورلىققا قارسى كۇرەس-جالپىۇلتتىق مىندەت" بايقاۋىنىڭ قورىتىندىسى شىعارىلدى

3103
Adyrna.kz Telegram

"اتىراۋ – ادالدىق الاڭى" جوباسى اياسىندا "سىبايلاس جەمقورلىققا قارسى كۇرەس-جالپىۇلتتىق مىندەت" تاقىرىبىندا وبلىستىق ەسسە بايقاۋى اياقتالدى، دەپ حابارلايدى سىبايلاس جەمقورلىققا قارسى ءىس - قيمىل اگەنتتىگىنىڭ اتىراۋ وبلىسى بويىنشا دەپارتامەنتى.

"اتىراۋ - ادالدىق الاڭى" جوبالىق كەڭسەسى وسكەلەڭ ۇرپاقتىڭ ادامگەرشىلىك-پاتريوتتىق تاربيەسى، قۇندىلىق جانە ازاماتتىق جاۋاپكەرشىلىك سەزىمدەرىن، سونداي-اق شىعارماشىلىق قابىلەتتەرىن دامىتۋ ماقساتىندا ۇيىمداستىرىلعان وبلىستىق ەسسە بايقاۋىنىڭ قورىتىندىسىن شىعاردى. وعان 14 جاستان اسقان 30-دان استام تۇرعىن قاتىستى.

ۇيىمداستىرۋشىلار اتاپ وتكەندەي، بايقاۋدىڭ شارتتارى الەۋمەتتىك جەلىلەردە، بۇقارالىق اقپارات قۇرالدارىندا جاريالانعانىنا قاراماستان، ەرەجەگە سايكەس كەلمەيتىن سەگىز جۇمىس قازىلار القاسىنىڭ مۇشەلەرىمەن ەسكەرىلمەگەن. بارلىق جۇمىستاردى ارنايى باعالاۋ كوميسسياسى باعالادى.

ناتيجەسىندە ءبىرىنشى ورىندى اتىراۋ تەلەارناسىنىڭ مەنشىكتى ءتىلشىسى زەين ەرعالي جەڭىپ الدى. ەكىنشى ورىن – مۇرات مىڭبايۇلىندا. ءۇشىنشى ورىندى ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ جۋرناليستيكا فاكۋلتەتىنىڭ 1 كۋرس ستۋدەنتى زارەما تالاپقىزى يەلەندى.

جەڭىمپازدارعا ديپلومدار مەن ارنايى سىيلىقتاردى قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى ايدوس مامىت تابىس ەتتى.

پىكىرلەر