تانىمال بالالار حيرۋرگى، مەديتسينا عىلىمدارىنىڭ دوكتورى، ەۋروپا عىلىم اكادەمياسىنىڭ اكادەميگى نۇرلان اقپاروۆ ومىردەن وزدى، دەپ حابارلايدى «ادىرنا» ءتىلشىسى.
ول مەديتسينا سالاسىندا 40 جىلدان استام جۇمىس ىستەدى. ونىڭ ىشىندە 28 جىل پەدياتريا جانە بالالار حيرۋرگياسى عىلىمي ورتالىعىندا قىزمەت اتقارىپ، 10 000-نان استام وپەراتسيا جاسادى. وسىلايشا كوپتەگەن بالاعا ەكىنشى ءومىر سىيلاعان ەدى.
«بۇل تەك ءبىز ءۇشىن عانا ەمەس، بۇكىل قازاقستان ءۇشىن ورنى تولماس قازا»،– دەپ جازدى عىلىمي ورتالىق ۇجىمى.
دارىگەر تۇڭعىش رەت قازاقستاندا وپەراتسيانىڭ 21 ءتۇرىن ەنگىزدى. 300-گە جۋىق عىلىمي جۇمىستىڭ اۆتورى.
2009 جىلى ءمىنسىز جانە ادال ەڭبەگى ءۇشىن "حالىق باتىرى" سىيلىعىنىڭ لاۋرەاتى اتاندى. سونداي-اق، "قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى" (2005), "ۇزدىك قىزمەتكەر", "ۇزدىك عالىم" توسبەلگىلەرىمەن جانە كوپتەگەن ماراپاتتىڭ يەگەرى.
«ادىرنا» ۇجىمى مارقۇمنىڭ جاقىندارى مەن تۋىستارىنا كوڭىل ايتادى.
«ادىرنا» ۇلتتىق پورتالى
