بۇگىن «استانا» حالىقارالىق قارجى ورتالىعىندا اسقار مامين الماتى وبلىسىنداعى G4 City – جاڭا قالاسىن دامىتۋدىڭ جاڭارتىلعان شەبەرلىك-جوسپارىمەن تانىستى، دەپ حابارلايدى «ادىرنا» ءتىلشىسى پرەمەر-ءمينيستردىڭ رەسمي سايتىنا سىلتەمە جاساپ.
مەگاپوليس الماتى – قاپشاعاي تراسساسىنىڭ بويىندا ورنالاساتىن بولادى جانە ءتورت اۋداننان تۇرادى: Gate District – ىسكەرلىك جانە قارجى ورتالىعى، Golden District – ءبىلىم بەرۋ جانە مەديتسينالىق حاب، Growing District – ونەركاسىپتىك جانە لوگيستيكالىق حاب، Green District – تۋريزم جانە ويىن-ساۋىق. G4 City-گە ارنايى ەكونوميكالىق ايماق مارتەبەسى بەرىلەدى. حالىقارالىق اۋەجاي سالىپ، سينگاپۋرمەن تىكەلەي اۋە قاتىناسىن اشۋ جوسپاردا بار. G4 City ورتالىق ازيانىڭ جاڭا ەكونوميكالىق حابىنا اينالىپ، قازاقستان ەكونوميكاسىنا تۇسەتىن شەتەلدىك ينۆەستيتسيالاردىڭ ودان ءارى وسۋىنە ەلەۋلى سەرپىن بەرەدى دەپ كۇتىلۋدە. 2050 جىلعا قاراي مەگاپوليس اۋماعىندا 2,2 ملن ادام تۇرىپ، 1 ملن-نان استام جۇمىس ورنى قامتاماسىز ەتىلەدى.
قازىرگى ۋاقىتتا Gate District-تە ماگيسترالدىق ينجەنەرلىك جەلىلەر جۇرگىزىلگەن، «قويانقۇس» تۇرعىن اۋدانى سالىنىپ جاتىر. 3,5 جىل ىشىندە كەمىندە 300 مىڭ شارشى مەتر تۇرعىن ءۇي سالۋ جوسپارلانىپ وتىر. G4 City-ءدى دامىتۋمەن سينگاپۋرلىق «Surbana Jurong Group» مەملەكەتتىك كومپانياسى اينالىسادى. بۇل قالالار مەن ينفراقۇرىلىمدى دامىتۋ ماسەلەلەرى بويىنشا ازياداعى ەڭ ءىرى كورپوراتسيالاردىڭ ءبىرى. ول سينگاپۋردىڭ Temasek Holdings تاۋەلسىز قورىنا تيەسىلى، ونىڭ 16 مىڭ قىزمەتكەرى بار، الەمنىڭ 40 ەلىندە قىزمەت كورسەتەدى.
كومپانيا سينگاپۋردا 1 ملن-نان استام ءۇيدى دامىتۋمەن اينالىستى، 30 ەل ءۇشىن باس جوسپار ازىرلەدى، 100-دەن استام يندۋستريالىق پاركتەردى جوبالادى. تانىستىرىلىم قورىتىندىسى بويىنشا قازاقستاندىق «Caspian Group» اق كومپانياسى مەن «Surbana Jurong Group» اراسىندا G4 City جوباسىن ىسكە اسىرۋدا ىنتىماقتاستىقتى ودان ءارى جالعاستىرۋ تۋرالى كەلىسىمگە قول قويىلدى.
«ادىرنا» ۇلتتىق پورتالى
