ەليزابەت تۇرسىنباەۆا باپكەر اتاندى

2669
Adyrna.kz Telegram

قازاقستاندىق مانەرلەپ سىرعاناۋشى، 2019 جىلعى الەمنىڭ ۆيتسە-چەمپيونى ەليزابەت تۇرسىنباەۆا باپكەرلىككە بەت تۇردى. بۇل تۋرالى ول قىزىلوردادا وتكەن ءباسپاسوز كونفەرەنتسياسىندا مالىمدەدى، دەپ حابارلايدى «ادىرنا» ءتىلشىسى.

«بالا كەزىمنەن مانەرلەپ سىرعاناۋدان شەبەر بولعىم كەلدى جانە وسى جولدا كوپ ەڭبەك ەتتىم. قولداۋلارىڭىزدىڭ ارقاسىندا ۇلكەن جەتىستىكتەرگە جەتتىم. وكىنىشكە قاراي، دەنساۋلىعىما بايلانىستى سپورتتىق مانسابىمدى اياقتاۋعا تۋرا كەلدى. بۇل شەشىمگە كەلۋ، ارينە، قيىن بولدى. دەسە دە، الدا كوپتەگەن جاقسى جاڭالىق بولاتىنىنا سەنىمدىمىن", - دەدى ەليزابەت تۇرسىنباەۆا.

وبلىستىق دەنە شىنىقتىرۋ جانە سپورت باسقارماسى باسشىسىنىڭ م.ا. جاعىپار ءتاجماحانوۆ ەليزابەتتىڭ سپورتتان تىس قالمايتىنىن اتاپ ءوتتى. ول ارۋدىڭ سپورت مەكتەبىندە مانەرلەپ سىرعاناۋدىڭ جاتتىقتىرۋشى بولىپ جۇمىس ىستەيتىنىن حابارلادى.

ايتا كەتەيىك، بۇعان دەيىن تۇرسىنباەۆا سپورتتىق مانسابىن اياقتاعانىن مالىمدەگەن ەدى.

«ادىرنا» ۇلتتىق پورتالى

پىكىرلەر