تۇركىستان وبلىسىنداعى الپامىس باتىر اۋىلىنىڭ تۇرعىندارى اۋىل اكىمىنە سۋارمالى ارىقتان سۋ بەردى. بۇل تۋرالى “ادىرنا” ۇلتتىق پورتالى كتك تەلەارناسىنا سىلتەمە جاساپ حابارلادى.
جەرگىلىكتى ارىق تۇرعىنداردىڭ جالعىز سۋ كوزى. ول وزبەكستاننان اعىپ كەلىپ جاتىر. ادامدار قورىقسا دا، سۋدى ىشۋگە ءماجبۇر. كوبىسىنىڭ تازا اۋىز سۋدى ساتىپ الۋعا جاعدايى كەلمەيدى.
– بۇل ارىقتا قانشاما يت-قۇس ءولدى. قانشا قوقىس جاتىر! ىشىندە نەشە ميكروب بار دەسەڭىزشى. ال ءبىز ونى ءىشىپ وتىرمىز. بالالارىمىزدا ىشەك ءپارازيتى پايدا بولعان، – دەدى ءمولدىر ساتىباي.
ادامدار كۇندەلىكتى نە ءىشىپ جۇرگەندەرىن كورسەتۋ جەرگىلىكتى اكىمگە ءبىر شەلەك سۋ اكەلىپ بەردى. شەنەۋنىك سۋدى امالسىزدان ءىشىپ، ءوزى دە وسىنداي جاعدايدا ەكەنىن ايتتى. ول سونداي-اق جاقىندا سۋ ماسەلەسى شەشىلەدى دەپ سەندىردى. اكىمنىڭ ايتۋىنشا، قازىر جاڭا ۇڭعىما بۇرعىلاۋ جۇمىستارى جۇرگىزىلۋدە، جىل سوڭىنا دەيىن ۇيلەر تازا سۋمەن قامتاماسىز ەتىلەدى. بىراق ادامدار بۇعان سەنبەيدى. ولاردىڭ ايتۋىنشا، شەنەۋنىكتەردىڭ ءوزى جاڭا قۇدىققا ءۇمىت ارتۋدىڭ قاجەتى جوق ەكەنىن بۇرىن ايتقان. ول جەردە سۋ جوق.
– ولار سۋ شىقپايتىنىن ءبىلىپ تۇرىپ، قازىپ جاتىر. نەگە قازۋدى توقتاپايدى دەسەك، «بولىنگەن قارجىنى يگەرۋىمىز كەرەك» دەپ قانا جاۋاپ بەرەدى. ءيا، ولار وسىلاي دەپ جاۋاپ بەردى. بىراق بۇل اقشانى ىسىراپ ەتۋ عوي! ونى اشىق ايتىپ وتىر! – دەدى گاۋحار جوراەۆا.
اۋىلداعى اۋىز سۋ ماسەلەسىن شەشۋگە 893 ملن تەڭگە جۇمساۋ جوسپارلانىپ وتىر. بۇل اقشاعا ولار قۇدىق بۇرعىلاپ، 25 شاقىرىم قۇبىر سالىپ، ال اۋىل تۇرعىندارىنىڭ ماسەلەنى بىرجولاتاعا شەشپەك.
– ەندى قۇدىق شامامەن 55-70 مەتر تەرەڭدىكتە قازىلدى، ءارى قاراي تەرەڭدەي بەرەدى. سۋ مىندەتتى تۇردە بولادى! قۇدىق سۋ اعىپ كەتكەنشە كەز كەلگەن تەرەڭدىككە بۇرعىلانادى، – دەدى الپامىس اۋىلدىق وكرۋگىنىڭ اكىمى ەرلان ءادىلحانوۆ.
ەسكە سالساق، وسىدان 11 جىل بۇرىن شەنەۋنىكتەر ءدال سول جەردەن سۋ شىعارۋعا نيەتتەنگەن. ول كەزدە شامامەن 100 ملن تەڭگە جۇمسالعان. بىراق جەردەن تامشى سۋ دا شىقپاعان.
”ادىرنا” ۇلتتىق پورتالى
