«اق جول» پارتياسىنان ءماجىلىس دەپۋتاتتارى جامبىل وبلىسى بايزاق اۋدانىنداعى جارىلىستان زارداپ شەككەن جيىرما وتباسىن كومىرمەن قامتاماسىز ەتتى

2237
Adyrna.kz Telegram

«اق جول» پارتياسىنان ءماجىلىس دەپۋتاتتارى جامبىل وبلىسىنىڭ بايزاق اۋدانىنداعى جارىلىستان زارداپ شەككەن جيىرما وتباسىن كومىرمەن قامتاماسىز ەتتى. وتكەن دەمالىس كۇندەرى ازات پەرۋاشەۆ باستاعان «اق جول» فراكتسياسىنىڭ وكىلدەرى وبلىستىق فيليال باسشىلىعىمەن جانە قدپ ءماسليحات دەپۋتاتتارىمەن بىرلەسىپ وق-ءدارى قويماسىنداعى جارىلىستاردان زارداپ شەككەن قاينار، جىبەك جولى، تورەگەلدى اۋىلدارىن ارالادى.

«اق جول» پارتياسى از قامتىلعان وتباسىلاردىڭ وتىنىشتەرى بويىنشا جىلىتۋ ماۋسىمىنا تولىقتاي جەتەتىن شۇباركول كومىرىن جەتكىزىپ بەردى. بۇل اۋىلدار گازداندىرىلعان، بىراق بۇل وركەنيەتتىلىك بارىنە دە قول جەتىمدى ەمەس - گازعا قوسىلۋ ءۇشىن جابدىقتى ەسەپكە الماعاندا، شامامەن 300-400 مىڭ تەڭگە تولەۋ كەرەك. ال حالىق تابىسىنىڭ ەڭ تومەن دەڭگەيى جانە جۇمىسسىزدىقتىڭ ەڭ جوعارى دەڭگەيى بايقالاتىن بۇل وڭىردە مۇنداي شىعىنداردى بارلىعى بىردەي تولەي المايدى، اسىرەسە اۋىلدى جەردىڭ تۇرعىندارىنا اۋىرلىق تۋعىزادى. ال گازدى قوسىپ ۇلگەرگەندەر ونىڭ جوعارى باعاسىنا شاعىمدانادى. بۇل تۋرالى پارتيانىڭ ۇلتتىق كەڭەسىنىڭ پلەنۋمى بارىسىندا فيليال توراعاسى اسان قوشمامبەتوۆ پارتيالاستارىنا جارىلىستان كەيىنگى جاعداي تۋرالى بايانداپ بەردى. ونىڭ مالىمەتىنشە، گازداندىرۋدىڭ ءوزى اۋىلدارداعى ءومىر ءسۇرۋ ساپاسىن اۆتوماتتى تۇردە ارتتىرادى دەگەندى بىلدىرمەيدى. وسىعان بايلانىستى «اق جول» فيليالىنا كومىرگە كومەك تۋرالى وتىنىشتەر كەلىپ تۇسۋدە.

«اق جول» پارتياسىنىڭ وبلىستىق فيليالى مۇقتاج وتباسىلار ءتىزىمىن اۋىل اكىمدەرىنىڭ كومەگىمەن جاسادى. كومەك شىنىمەن مۇقتاج ادامدارعا جەتكىزىلدى، ال ءبىز وسى وتباسىلارعا بارىپ، ولارمەن سويلەسۋ ارقىلى وعان كوز جەتكىزە الدىق.

ساپار بارىسىندا «اق جول» دەلەگاتسياسى جوندەۋ-قالپىنا كەلتىرۋ جۇمىستارىمەن دە تانىستىق. قاينار اۋىلىندا بارلىق ۇيلەر شاتىرسىز قالعان، كەيبىرەۋلەرىنىڭ قابىرعالارىنا دەيىن قيراعان. بۇگىنگى تاڭدا بارلىق جەردە قابىرعالار قالپىنا كەلتىرىلدى، شاتىرلار سالىنۋدا، كەيبىر ۇيلەردىڭ ىشكى بەزەندىرۋ بويىنشا جۇمىستار باستالعان. سونىمەن قاتار، جول جوندەۋ جۇمىستارى ءجۇرىپ جاتىر. تۇرعىندار وڭىردە تارالعان شۋ مەن شاڭعا كەڭ تۇسىنىستىكپەن قارايدى، تۇرعىن ۇيلەرى تەز قالپىنا كەلتىرىلىپ، بۇرىنعى ومىرلەرىنە ورالۋلارىنا ۇمىتتەنەدى. دەگەنمەن، مەملەكەتتىك ورگانداردىڭ جارىلىس تولقىندارىمەن بۇزىلعان شارۋاشىلىق قۇرىلىستارىن قالپىنا كەلتىرۋدەن باس تارتۋى سياقتى بىرقاتار نارازىلىقتار دا ايتىلدى. اۋىل تۇرعىندارىنىڭ ايتۋىنشا، قۇرىلىسشىلارعا تۇرعىن ۇيلەردى جوندەي عانا تاپسىرىلعان. تورەگەلدى اۋىلىنىڭ تۇرعىندارى جارىلىس كەزىندە سىنعان تەرەزەلەردى قالپىنا كەلتىرۋگە كومەكتەسپەي جاتقانى تۋرالى شاعىمداندى.

«اقجولدىقتارمەن» كەزدەسۋ بارىسىندا كاسىپكەرلەر وزگە دە  ماسەلەلەردى كوتەردى. ولاردىڭ نىساندارىن قالپىنا كەلتىرۋمەن ءالى ەشكىم اينالىسپايتىنى بەلگىلى بولدى. جول بويىنداعى بۇزىلعان سەرۆيستىڭ، مەيرامحانانىڭ، قوناق ءۇيدىڭ جانە سالىنىپ جاتقان كوكونىس قويماسىنىڭ يەسى ءلاززات جاباتاەۆانىڭ ايتۋىنشا، وعان بارعان بارلىق كوميسسيالار كەلتىرىلگەن زالالعا ونشا قىزىعۋشىلىق تانىتپاي، قاجەتتى كومەكتەن باس تارتۋعا سەبەپ ىزدەگەن.

بارلىق تۇرعىندار مەن كاسىپكەرلەردىڭ بىزگە ايتقان ورتاق تىلەكتەرى - وق-ءدارى قويمالارىن ەلدى مەكەندەردەن الىس، قاۋىپسىز جەرگە كوشىرۋ.

ايتا كەتەيىن، «اق جول» دەموكراتيالىق پارتياسىنىڭ 2019 جىلى ارىس قالاسىندا بولعان جارىلىستاردان كەيىنگى كۇنى جاريالانعان مالىمدەمەسىندە وسىنداي تالاپ بولعان.

«كەيبىر وتباسىلار جالعىز ۇلدارىنان ايىرىلىپ قالدى. ادامداردىڭ ومىرىنە قاۋىپ توندىرۋگە بولمايدى، بۇل قويمالاردى ءبىزدىڭ وڭىردەن الىسقا كوشىرىڭىز»، - دەپ تۇيىندەدى ءلاززات جاباتاەۆا.

سەنبى كۇنى «اقجولدىقتار» جامبىل وبلىسىنىڭ اكىمى بەردىبەك ساپارباەۆپەن كەزدەستى. اكىم تۇرعىندارعا كومەك كورسەتكەنى ءۇشىن دەمپارتيالىقتارعا العىسىن ءبىلدىردى. پەرۋاشەۆ اۋىل تۇرعىندارىنا كومەكتەسۋدەن جانە فراكتسيا دەپۋتاتتارىنىڭ ءبىر كۇندىك جالاقىسىنان باسقا، دەمپارتيا قۇتقارۋشىلاردىڭ وتباسىلارىنا كومەك كورسەتۋ ءۇشىن وبلىستىق ءورت قىزمەتى ارداگەرلەرى قاۋىمداستىعىنا 1 ملن تەڭگەدەن استام قاراجات اۋدارعانىن حابارلادى.

«اق جول» كوشباسشىسى وبلىس باسشىسىنا كاسىپكەرلەرگە كومەك كورسەتۋ قاجەتتىلىگى تۋرالى سۇراقتار قويدى. اكىمنىڭ مالىمەتىنشە، وسى ۋاقىتقا دەيىن مۇنداي كومەكتى قارجى مينيسترلىگى بيزنەستىڭ ءوز وبەكتىلەرىن وسىنداي تاۋەكەلدەردەن ءوز بەتىنشە ساقتاندىرۋ قاجەتتىلىگىنە سىلتەمە جاساي وتىرىپ بۇعاتتاعان.

پەرۋاشەۆ وسى جاعدايدىڭ سەبەبى مەملەكەتتىك وبەكتىدەگى تج جانە كەز كەلگەن وبەكتيۆتى سوت بۇل جاعدايدا مەملەكەتتىڭ جاۋاپكەرشىلىگىن مويىنداۋعا مىندەتتى ەكەنىن اتاپ ءوتتى. وسىعان بايلانىستى ساپارباەۆ وسى پىكىردى ۇكىمەتتىڭ قولداعانىن ايتىپ، پرەمەر-مينيستر ءتيىستى تاپسىرمالار بەردى.

وسىلايشا، جاقىن ارادا كاسىپكەرلەرگە زارداپ شەككەن بيزنەس نىساندارىن قالپىنا كەلتىرۋگە قاجەتتى كومەك كورسەتىلەدى. «اق جول» دەموكراتيالىق پارتياسى جارىلىستان زارداپ شەككەن بيزنەستى قولداۋ بويىنشا جاعدايدى قاداعالايتىن بولادى.

اكىممەن كەزدەسۋ بارىسىندا «اق جول» قدپ جەرگىلىكتى اكتيۆىمەن كەزدەسۋدە كوتەرىلگەن قۇرعاقشىلىق جانە مال شارۋاشىلىعى ءۇشىن جەم-شوپپەن قامتاماسىز ەتۋ ماسەلەلەرى; كاسىپكەرلەردىڭ مەملەكەتتىك كاسىپورىندار اراسىنان تاپسىرىس بەرۋشىلەردىڭ جەڭىپ العان تەندەرلەر بويىنشا ورىندالعان جۇمىستار ءۇشىن اقى تولەۋ مەرزىمدەرىن بۇزۋى تۋرالى شاعىمدارى تالقىلاندى. مەردىگەرلەردەن كەلىپ تۇسكەن مۇنداي وتىنىشتەر ءوڭىر باسشىلىعىنا جىبەرىلدى.

پىكىرلەر