ەلىمىزدە ۇلتتىق قۇقىقتىڭ نەگىزگى سالالارىن دامىتۋ مەن قۇقىق قورعاۋ جانە سوت جۇيەلەرىنىڭ قىزمەتىن نىعايتۋعا باسا نازار اۋدارىلادى. سونداي-اق زاڭگەر كادرلارعا دەگەن تالاپ ايتارلىقتاي كۇشەيتىلىپ كەلەدى.
وسىعان وراي قازاقستان مەن تمد ەلدەرىنىڭ قۇقىقتىق جۇيەسىن دامىتۋ ماقساتىندا«استانا» حالىقارالىق قارجى ورتالىعى قۇقىق اكادەمياسى م.س. نارىكباەۆ اتىنداعى كازگيۋ ۋنيۆەرسيتەتىنە ءبىلىم بەرۋ سالاسىنداعى ستراتەگيالىق ارىپتەس مارتەبەسىن بەردى. اتالعان جوعارى وقۋ ورنى اعىلشىن قۇقىعى بويىنشا ەلىمىزدە العاشقى بولىپ جەكە كۋرستاردى وقىتتى، كەيىن تولىققاندى سەرتيفيكاتتالعان باعدارلامانى (ماينور) ەنگىزدى.
«كازگيۋ – قۇقىق، بيزنەس جانە گۋمانيتارلىق عىلىمدار سالاسىنداعى باكالاۆريات جانە جوعارى وقۋ ورنىنان كەيىنگى ءبىلىم بەرۋ باعدارلامالارىنىڭ تولىق سپەكترىن قامتىعان ورتالىق ازياداعى جەتەكشى جوعارى وقۋ ورنى. جوعارى وقۋ ورنىنىڭ باستى ماقساتى ستۋدەنتتەردى بىرقاتار يۋريسديكتسيا جاعدايىندا كاسىبي تۇرعىدا دايارلايدى. وسى باعىتتا ۋنيۆەرسيتەتتى قولداي وتىرا، قارىم-قاتىناسىمىزدى نىعايتاتىنىمىزعا قۋانىشتىمىز»، – احقو ۇزدىكسىز كاسىبي دامۋ بيۋروسى ديرەكتورلار كەڭەسىنىڭ مۇشەسى دەۆيد گاللو.
تاراپتار ۋنيۆەرسيتەتتىڭ ءبىلىم بەرۋ باعدارلامالارىنا جالپى قۇقىق جانە پراكتيكالىق زاڭدىق قۇزىرەتتەردى دامىتۋ سالاسىندا بىرلەسكەن كۋرستاردى ازىرلەۋ جانە ەنگىزۋ تۋرالى، سونداي-اق بىرلەسكەن عىلىمي زەرتتەۋلەر مەن اناليتيكالىق جۇمىستار جۇرگىزۋ تۋرالى ۋاعدالاستى.
«قازاقستاندىق ستۋدەنتتەر مەن زاڭگەرلەر ءۇشىن جالپى قۇقىقتى وقىتۋ بويىنشا تاجىريبەمىز مول. سونداي-اق احقو قۇقىق اكادەمياسىمەن بىرلەسكەن جوبالاردى دا ءساتتى جۇزەگە اسىرامىز. كۇش-جىگەردى ينستيتۋتسيونالدىق نەگىزدە بىرىكتىرەتىن كەز كەلدى. وزىق تاجىريبەنى ەنگىزۋ جانە ۇلتتىق قۇقىقتىق جۇيە مەن زاڭ ءبىلىمىن جاقسارتۋ جولىندا ىنتىماقتاستىعىمىز بەن بىرلەسكەن ستراتەگيالىق باستامالارىمىز ءساتتى بولادى دەگەن سەنىمدەمىن», - دەپ اتاپ ءوتتى كازگيۋ پروۆوستى (رەكتورى) سەرگەي پەن.
