الماتى قالاسىنىڭ اكىمى باقىتجان ساعىنتاەۆ Facebook پاراقشاسىندا مەگاپوليستىڭ دامۋىنا قوسقان ۇلەسى ءۇشىن قالا تۇرعىندارىنا العىسىن ءبىلدىردى دەپ حابارلايدى "ادىرنا" ۇلتتىق پورتالى.
"الماتى تۋعان كۇنىن تويلاۋدا. بۇل ءار ادام ءۇشىن ەرەكشە كۇن. پاندەمياعا قاراماستان قالا دامىپ كەلەدى", - دەپ جازدى الماتى قالاسىنىڭ اكىمى.
ونىڭ ايتۋىنشا، بيىل الماتىدا 2,6 ملن شارشى مەتردەن استام تۇرعىن ءۇي پايدالانۋعا بەرىلەدى. مىڭداعان الماتىلىق باسپانالى بولادى. ولاردىڭ ىشىندە 248 مىڭنان استام نەمەسە 4 926 پاتەر حالىقتىڭ الەۋمەتتىك وسال توبىنا بەرىلەدى. 1 013 كوپبالالى، تولىق ەمەس جانە مۇگەدەك بالالاردى تاربيەلەپ وتىرعان وتباسىلار تۇرعىن ۇيگە يە بولادى. جۇمىس ىستەيتىن جاستار ءۇشىن 1 050 جالدامالى پاتەر قاراستىرىلعان.
"الماتى جاستارى" قالالىق باعدارلاماسى بويىنشا 1 000 جەڭىلدەتىلگەن نەسيە كوزدەلگەن. بۇدان باسقا جەكەلەگەن ساناتتار ءۇشىن "شاڭىراق" باعدارلاماسى بويىنشا باستاپقى جارنانى قۇيۋعا 1 ملن تەڭگەدەن 2 مىڭ تۇرعىن ءۇي سەرتيفيكاتى كوزدەلگەن.
"جىل سوڭىنا دەيىن 16 مىڭعا جۋىق وقۋشىنى قامتيتىن 31 ءبىلىم بەرۋ نىسانىن پايدالانۋعا بەرەمىز. 61 مەكتەپ جانىنداعى سپورت الاڭدارىن جاڭارتۋدامىز. 10 جابىق سپورت كەشەنى سالىنۋدا", - دەپ اتاپ ءوتتى مەگاپوليس اكىمى.
قالانى كوگالداندىرۋ باعدارلاماسى جالعاسۋدا. وسى جىلدىڭ كوكتەمىندە 64 مىڭ ءتۇپ اعاش ەگىلەدى. قازان ايىنان باستاپ تاعى 350 مىڭ اعاش وتىرعىزىلادى. 22 ساياباق پەن سكۆەر جوندەلىپ، جالپى اۋدانى 284 گا بولاتىن 8 جاڭا ساياباق ايماعىنىڭ قۇرىلىسى باستالدى.
ء"بىز بىرگە الماتىنى ادەمى، جايلى ءارى اسەم ەتىپ كوركەيتەمىز. بۇگىن ورتاق يگىلىك ءۇشىن ەڭبەك ەتكەن ءاربىر جانعا العىس ايتقىم كەلەدى! بارشاڭىزدى مەرەكەمەن قۇتتىقتايمىن!", - دەپ جازدى ب. ساعىنتاەۆ.
"ادىرنا" ۇلتتىق پورتالى.
