بۇگىن قاپشاعاي ماڭىندا جارىلىس بولىپ، تۇرعىندار ابىگەرگە ءتۇستى دەپ حابارلايدى "ادىرنا" ۇلتتىق پورتالى.
الەۋمەتتىك جەلىلەرگە تۇرعىندار ۆيدەو جۇكتەپ، بۇل اۋماقتا اسكەري ءبولىم بار ەكەنىن جازدى.
كەيىن انىقتالعانداي، الماتى وبلىسى بويىنشا توتەنشە جاعدايلار دەپارتامەنتىنىڭ ماماندارى بۇل كەن ورنىنداعى جوسپارلى جارىلىس ەكەنىن جەتكىزدى.
"بۇل — قيىرشىق تاس وڭدەلەتىن كارەر اۋماعىنداعى جوسپارلى جارىلىس. زارداپ شەككەندەر جوق", - دەدى وبلىستىق توتەنشە جاعدايلار دەپارتامەنتىنىڭ وكىلى.
ايتا كەتۋ كەرەك، اتالعان كەن ورنى قاپشاعاي قالاسىنىڭ ماڭىندا ورنالاسقان. جوسپارلى جارىلىس جۇرگىزىلەتىنى جەرگىلىكتى تۇرعىندارعا الدىن الا ايتىلادى.
"ادىرنا" ۇلتتىق پورتالى.
