بۇگىن مەملەكەت جانە قوعام قايراتكەرى، ساياساتتانۋشى، ساياسي عىلىمدارىنىڭ كانديداتى، قر پارلامەنت ءماجىلىسىنىڭ دەپۋتاتى بەرىك ابدىعاليۇلى ەلۋ جاسقا تولدى دەپ حابارلايدى "ادىرنا" ۇلتتىق پورتالى.
بۇل تۋرالى حالىقارالىق تۇركى اكادەمياسىنىڭ پرەزيدەنتى دارحان قىدىرالى ءوزىنىڭ فەيسبۋك پاراقشاسىندا جازدى.
بەرىك ابدىعاليۇلى — قاراعاندى وبلىسى، ۇلىتاۋ اۋدانىنىڭ تۋماسى. بۇعان دەيىن ول قازاقستان رەسپۋبليكاسى مادەنيەت جانە سپورت ءمينيسترىنىڭ شتاتتان تىس كەڭەسشىسى، «ارحيۆ-2025» عىلىمي-ادىستەمەلىك ورتالىعىنىڭ باسشىسى، «قاسيەتتى قازاقستان» عىلىمي-زەرتتەۋ ورتالىعىنىڭ باسشىسى، قر ۇلتتىق مۋزەيى ديرەكتورىنىڭ كەڭەسشىسى، قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى قىزمەتتەرىن اتقاردى.
جەكە 10 كىتاپتىڭ جانە 2 كىتاپتىڭ بىرلەسكەن اۆتورى. كوپتەگەن ۇلتتىق جوبالاردىڭ اۆتورى جانە جەتەكشىسى. اتاپ ايتساق، "گوسۋدارستۆەننايا پوليتيكا ي مەجناتسيونالنوە وتنوشەنيا ۆ رەسپۋبليكە كازاحستان" (1996); "روسسيا ي كازاحستانسكيە رۋسسكيە (1997); "سوتسيالنو-پوليتيچەسكيە مەنەدجمەنت. تەميرتاۋسكي وپىت" (2003); "پوليتيزاتسيا ەتيچنوست: پروتسەسسى، مەحانيزمى، پوسلەدستۆيا" (2003); "كازاحسكايا ميسسيا" (2007); "قازاق بولايىق" (2014); "ۆويسكو الاش. كازاحسكيە چاستي ۆ سوستاۆە بەلوي ارمي (1918-1920 گ.گ.)"; (2017) "ساياسي وي تاريحى" (2003); "ساياسي تۇسىندىرمە سوزدىگى"(2007) كىتاپتارىنىڭ بىرلەسكەن اۆتورى. "باۋىرساق كۇنى" (2004 جىلدان باستاپ) جوباسى اۆتورلارىنىڭ ءبىرى. "قازاقستاننىڭ 7 كەرەمەتى" (2005) ءۇش تىلدەگى فوتوالبوم مەن وقۋلىق جوباسىنىڭ اۆتورى جانە جەتەكشىسى. "جەلتوقسان - 1986 جىل" 10 تومدىعى جوباسىنىڭ اۆتورى جانە جەتەكشىسى. "كۋنستكامەرا جانىنداعى قازاقتىڭ ءداستۇرلى مادەنيەتى" (2008) اتتى فوتوالبوم جوباسىنىڭ اۆتورى. جىلىنا 6 سانى شىققان "قازاق الماناعى" جۋرنالىنىڭ شىعارۋشىسى (2009-2012).
ءبىز ەردىڭ جاسىنا تولىپ وتىرعان قوعام قايراتكەرىن تۋعان كۇنىمەن قۇتتىقتاي وتىرىپ، دەنىنە ساۋلىق، وتباسىنا بەرەكە-بىرلىك، ەڭبەكتە تولاعاي تابىستار تىلەيمىز.
"ادىرنا" ۇلتتىق پورتالى.
