ەلىمىزدە جەكە كاسىپكەرلەردى قولداۋ ەرەكشە. سوندىقتان دا بولار، ءار جەردە جەكە شارۋالار قاز، ۇيرەك، بالىق ءوسىرىپ تابىس تابۋعا دەن قويۋدا.
قاراتال اۋدانىنىڭ تۇرعىنى اكسەنوۆ اناتولي دا وسى كاسىپتى باستاۋ ءۇشىن 10 گەكتار جەرگە جاساندى كول جاساپ، 10 جىلدان بەرى بالىق وسىرسە، سوڭعى 2 جىلدا قاز، ۇيرەك ءوسىرۋدى قولعا العان.
بۇل فەرمادا بۇگىنگى كۇنى بەلامۋر، سازان، موڭكە بالىقتارى، قازدىڭ روسسيادان اكەلىنگەن ەتتى باعىتتاعى ۇلكەن سەرا جانە اق ليندا قاز ءتۇرى بار. بالىقتاردىڭ ورتا سالماعى 18 كگ. قازدىڭ ورتا سالماعى 4 كەلىگە دەيىن جەتەدى.
كاسىپكەر اناتوليدىڭ ايتۋىنشا، قاز بالاپاندارىن ءوسىرىپ، سۋعا جىبەرگەن ساتتەن بالىقتىڭ ءوسۋى 2 ەسەگە ۇلعايعان، سەبەبى قازدىڭ ەتى، ءجۇنى، اياقتارى مەن باۋىرى نارىقتا ۇلكەن سۇرانىسقا يە بولسا، ونىڭ سوڭعىرىعى دا تاپتىرماس تىڭعايتقىش.
«بالىق شارۋشىلىعىمەن اينالىسىپ جۇرگەنىمە 10 جىلدان استى. بۇل كاسىپ تابىستى بولعانىمەن، ونى 4 جىل بويى اۋلاماي باپتاۋ قاجەت. ال قاز، ۇيرەك بالاپاندارى 3 اي ىشىندە ءوسىپ، ەت الادى. ەتى ديەتالىق جەڭىل بولىپ كەلەدى. قازىردىڭ وزىندە سۇرانىس وتە كوپ. بىراق الماتى وبلىسىن عانا قاناعاتتاردىرا الامىز. كەلەسى جىلى شارۋاشىلىقتى كەڭەيتىپ، ءونىمدى بۇكىل قازاقستانعا جانە شەت ەلگە دە ەكسپورتاۋدى جوسپارلاپ وتىرمىز »، - دەيدى ول.
فەرمادا بۇگىندە قازدىڭ 2000-عا جۋىق سانى بار. الداعى ۋاقىتتا قاز سانىن 20 مىڭعا دەيىن جەتكىزۋدى كوزدەپ وتىر. ول ءۇشىن الدىمەن قاز جەمىن ەگەتىن جەر ۋچاسكەسىن اكىمدىكتەن سۇراتىپ وتىر.
«ەگەر اكىمدىك جەم ەگەتىن جەر بەرسە، رەسەيدەن تاعى دا قازدىڭ ەتتى گۋبەرناتورلىق تۇقىمىن الدىرامىن. قازىر فەرمانىڭ قاز ەتى ونىمدىلىك قۋاتى 5,3 توننا بولسا، كەلەسى جىلى 75 تونناعا جەتكىزەمىن»، - دەيدى كاسىپكەر.
ال بالىق شارۋاشىلىعى ءوز الدىنا 4 جىلدى 120 توننا ءونىم بەرەدى. كەلەر جىلى قاز سانى ارتسا بالىق سانىدا ەداۋىر ارتاتىندىعى ءسوزسىز.
«ادىرنا» ۇلتتىق پورتالى
