بەلگىلى فيلوسوف عالىمنىڭ جۇبايى ومىردەن وزدى

771

2021 جىلدىڭ 10 قىركۇيەگىندە ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتى فيلوسوفيا كافەدراسىنىڭ پروفەسسورى، فيلوسوفيا عىلىمىنىڭ دوكتورى، «قازاق فيلوسوفياسى» ينتەرنەت قاۋىمداستىعىنىڭ ءتورايىمى، بەلگىلى عالىم گۇلجيھان جۇمابايقىزى نۇرىشەۆانىڭ قىرىق جىلداي بىرگە عۇمىر كەشكەن جۇبايى ابدال بەردىبەكۇلى بورامباەۆتىڭ مەزگىلسىز ومىردەن وزۋىنا بايلانىستى فاكۋلتەت ۇجىمى مەن فاكۋلتەتتىڭ اقساقالدار القاسى قازاعا قايعىرىپ كوڭىل ايتادى.

ابدال بەردىبەكۇلى 1954 جىلدىڭ اقپان ايىندا دۇنيەگە كەلگەن. تاشكەنت تەمىرجول ترانسپورتى ينجەنەرلەرى ينستيتۋتىنىڭ تۇلەگى. ەڭبەك جولىن 1976 جىلى باتىس قازاقستان تەمىر جولىنىڭ اتىراۋ بولىمشەسىندە ەلەكترومەحانيك كاسىبىنەن باستاپ، ۇزاق جىلدار ەلىمىزدىڭ باتىس جانە باسقا ايماقتارىندا ءتۇرلى جوعارى لاۋازىمدى جاۋاپتى قىزمەتتەر اتقاردى.
ابدال بەردىبەكۇلى زايىبى گۇلجيھان جۇمابايقىزىمەن قوس پەرزەنت ءوسىرىپ، نەمەرەلەر ءسۇيىپ، تاربيەلەپ وتىرعان اپتال ازامات ەدى.

مارقۇمنىڭ جانى جانناتتە، الدى پەيىش، ارتى كەنىش بولعاي!

پىكىرلەر
رەداكتسيا تاڭداۋى