جانسايا ابدىمالىك الەمنىڭ ءتورت دۇركىن چەمپيونىن جەڭدى

2133
Adyrna.kz Telegram

شاحماتتان دۇنيەجۇزىلىك ونلاين وليمپيادادا وتانداسىمىز جانسايا ابدىمالىك الەمنىڭ ءتورت دۇركىن چەمپيونىن جەڭدى، دەپ حابارلايدى Express Qazaqstan.

نۇر-سۇلتان قالاسىندا ءوتىپ جاتقان ونلاين دوداعا الەمنىڭ 160-تان استام ەلىنەن 1500-گە جۋىق سپورتشى قاتىسىپ جاتىر. ەكى كەزەڭنەن تۇراتىن تۋرنير ارنايى ويىن پلاتفورماسىندا ۇيىمداستىرىلىپ، قاتىسۋشىلار ءوزارا باق سىنايدى.

ءار كوماندا قۇرامىندا التى ويىنشى بولۋ كەرەك. ءار پارتياعا 15 مينۋت جانە ءار جۇرىسكە 5 سەكۋند بەرىلەدى. قازاقستان جوعارى ديۆيزيوندا باسەكەگە ءتۇسىپ جاتىر. ءبىزدىڭ توپتا قىتاي، رۋمىنيا، يندونەزيا، گرۋزيا، موڭعوليا، گرەتسيا، يران، اۆستراليا، جانە ارمەنيا بار. ءار توپتان ەكى كوماندا فينالعا شىعادى.

بۇگىن قازاقستان شاحماتشىلارى قىتايمەن كەزدەسىپ، جەڭىسكە جەتتى. ۇلتتىق قۇراما ساپىندا ونەر كورسەتكەن جانسايا ابدىمالىك 27 جاستاعى قىتايلىق، 4 دۇركىن الەم چەمپيونى حوۋ يفاننان باسىم ءتۇستى. قىتاي قىزى 2010, 2011, 2013, 2016 جىلدارى الەمنىڭ ۇزدىگى اتانعان.

قازاقستاننىڭ نەگىزگى قۇرامى:

1. رينات جۇماباەۆ

2. دەنيس ماحنەۆ

3. جانسايا ابدىمالىك

4. دينارا سادۋاقاسوۆا

5. رامازان جالماحانوۆ

6. بيبيسارا اساۋباەۆا.

قوسالقى قۇرام

7.مۇرتاس قاجعاليەۆ

8. رۋستام حۋسنۋتدينوۆ

9. رامازان جالماحانوۆ

10. الديار اڭسات

10. گۇلميرا داۋلەتوۆا

11. گۇلىسحان ناحباەۆا

12. نازەركە نۇرعالي.

پىكىرلەر