الماتىعا بۇۇ قىزمەتكەرلەرىمەن اۋعانستاننان تاعى ءبىر رەيس كەلدى. ۇشاق بورتىندا 108 ادام بولعان. بۇل تۋرالى بۇۇ -نىڭ قازاقستانداعى وكىلدىگى مالىمدەدى، دەپ حابارلايدى "ادىرنا" ۇلتتىق پورتالى.
«كەشە بۇۇ قىزمەتكەرلەرىمەن ەكىنشى رەيس كەلدى. بورتتا 108 ادام بولعان. بارلىق ورنالاستىرۋ مالىمەتتەرى ءباسپاسوز بريفينگىندە ايتىلعانمەن بىردەي. ولاردىڭ قازاقستاندا بولۋىنا بايلانىستى بارلىق شىعىن بۇۇ ەسەبىنەن تولەنەدى»، - دەدى بۇۇ قازاقستانداعى وكىلدىگى.
ەستەرىڭىزگە سالا كەتەيىك، بۇعان دەيىن بۇۇ -نىڭ 135 قىزمەتكەرى الماتىعا كابۋلدان ۇشىپ كەلگەن بولاتىن. ولاردىڭ 60 -قا جۋىعى كابۋلدا جۇمىسشىلاردى قاشىقتىقتان قولداۋ ءۇشىن قازاقستاندا قالدى. بارلىق كەلگەن ازاماتتاردىڭ بۇۇ تولقۇجاتتارى بار ەكەندىگى، ولار حالىقارالىق ديپلوماتتار ەكەنى جانە بۇۇ -عا مۇشە 193 مەملەكەتتىڭ بارلىعىن ۇسىنا الاتىنى حابارلاندى. كەلگەندەردىڭ اراسىندا اقش، كانادا، ازيا، افريكا جانە تمد ەلدەرىنىڭ وكىلدەرى بار.
كەيىنىرەك بريفينگتە بۇۇ -نىڭ اۋعانستانداعى كومەك ميسسياسىنىڭ ارنايى وكىلى جانە باسشىسى دەبورا ليونس الماتىعا اۋعان قىزمەتكەرلەرىنىڭ بىرقاتارى كەلەتىنىن ايتتى.
"ادىرنا" ۇلتتىق پورتالى
