اقش-تىڭ قۇقىق قورعاۋ ورگاندارى جۇزدەن استام كوروناۆيرۋسقا قارسى ۆاكتسيناتسيا كۋالىگىن ساتقان فارماتسەۆتى قاماۋعا الدى. ەندى ول 120 جىلعا دەيىن باس بوستاندىعىنان ايىرىلۋى مۇمكىن، دەپ حابارلايدى «ادىرنا» ءتىلشىسى ەلدىڭ ادىلەت مينيسترلىگىنە سىلتەمە جاساپ.
چيكاگو قالاسىنىڭ 34 جاستاعى تۇرعىنى تانگتانگ چجاوعا مەملەكەتتىك مۇلىكتى جىمقىرعانى ءۇشىن 12 ايىپ تاعىلىپ وتىر.
ول 2021 جىلدىڭ ناۋرىز-ءساۋىر ايلارىندا CDC مەديتسينالىق رەتتەۋشىسى بەرەتىن
125 شىنايى Covid-19 ۆاكتسيناتسيالاۋ سەرتيفيكاتىن ساتقان. ءار فورما ءۇشىن ەر ادام ون دوللار سۇرادى.
«ۆاكتسيناتسيالانباعان ادامدارعا ۆاكتسيناتسيا كارتالارىن سانالى تۇردە ساتۋ ميلليونداعان امەريكالىقتىڭ ءومىرى مەن دەنساۋلىعىنا قاۋىپ ءتوندىرۋدى بىلدىرەدى. بۇل اۋىر سالدارى بار فەدەرالدى قىلمىس بولىپ تابىلادى", — دەدى چيكاگوداعى فبر كەڭسەسىنىڭ جەتەكشىسى ەممەرسون بۋ.
«ادىرنا» ۇلتتىق پورتالى
