كەشە جەلىدە «تۇرسىنبەك قاباتوۆ جالعان قۇجاتپەن قىزىنىڭ ورنىنا ۇبت-عا باسقا ادام كىرگىزگەن» دەگەن اقپارات تاراعان بولاتىن. نۇر-سۇلتان قالاسى پوليتسيا دەپارتامەنتى مالىمەتتى راستادى، دەپ حابارلايدى «ادىرنا» ءتىلشىسى.
"تەرگەۋ كەزىندە جالعان جەكە كۋالىك جاساعان 22 جاستاعى كۇدىكتى ۇستالدى. قىلمىستىق كودەكستىڭ 385-بابى 1-بولىگى بويىنشا قىلمىستىق ءىس قوزعالدى", - دەدى پوليتسيا دەپارتامەنتىنىڭ وكىلى «Sputnik قازاقستان» تىلشىسىنە بەرگەن تۇسىنىكتەمەسىندە.
پوليتسيا اقپاراتىنا سايكەس، وقيعا 13 ماۋسىم كۇنى بولعان. ۇلتتىق تەستىلەۋ ورتالىعىنىڭ قىزمەتكەرلەرى ۇبت-عا جالعان قۇجاتپەن قاتىسقان تۇلەكتەردى بىردەن انىقتاعان.
«ادىرنا» ۇلتتىق پورتالى
